بۇل شارا وبلىس ورتالىعىنداعى «نۇر وتان» پارتياسى وبلىستىق فيليالىندا تۇڭعىش پرەزيدەنت كۇنى قارساڭىندا ءوتتى.
– جاستاردىڭ پارتيا قاتارىنان تابىلۋى قۋانىشتى جانە ماڭىزدى, -دەدى وبلىس اكىمى, وبلىستىق فيليال توراعاسى بولات باقاۋوۆ پارتيا قاتارىنا قابىلدانعانداردى قۇتتىقتاۋ كەزىندە.
مەرەكە قارساڭىندا پارتيالىق بيلەتتى العانداردىڭ اراسىندا «حوسپيس» وبلىستىق پاللياتيۆتىك كومەك كورسەتۋ اۋرۋحاناسىنىڭ باس دارىگەرى اسەم قاسەنوۆا, NOMAD MMA بويىنشا قازاقستان چەمپيونى, اقسۋ فەرروقورىتپا زاۋىتىنىڭ بالقىتۋشىسى ۆاسيلي گونچاروۆ جانە تاعى باسقالارى بولدى.
سالتاناتتى شارا سوڭىندا «ۇزدىك باستاۋىش پارتيا ۇيىمدارى» كونكۋرسىنىڭ جۇلدەگەرلەرى ماراپاتتالدى.
قازىر وڭىرلىك پارتيا ۇيىمىنىڭ 65 مىڭ مۇشەسى بار.
فاريدا بىقاي,
«ەگەمەن قازاقستان»
پاۆلودار