بۇل ەلىمىزدەگى مەملەكەتتىك قىزمەت جانە سىبايلاس جەيمقورلىققا قارسى ءىس-قيمىل اگەنتتىگىنىڭ دەپارتامەنتتەرى قۇرعان ءۇشىنشى وفيس بولىپ سانالادى. وعان كاسىپكەرلەر, قاراپايىم ادامدار مەملەكەتتىك ورگاندار جۇمىسىنا قاتىستى ارىز-شاعىمدارىمەن كەلەدى. سونىمەن قاتار وفيس قىزمەتكەرلەرى سىبايلاس جەمقورلىقتىڭ الدىن الۋعا, وعان قارسى كۇرەستى ناسيحاتتايتىن پروفيلاكتيكالىق شارالار وتكىزەدى. مۇندا قىزمەت ىستەيتىن ماماندار ىرىكتەلدى, جۇمىستىڭ ادىستەمەلىك بازاسى جاسالىپ, ءبىلىم, دەنساۋلىق ساقتاۋ, قۇقىق قورعاۋ سالالارى جۇمىسى بويىنشا ساراپشىلار توبى قۇرىلادى. كەڭسەدە كۇن سايىن نەگىزگى دەپارتامەنتتەر مەن ۆەدومستۆولاردىڭ بەس وكىلى ازاماتتاردى قابىلايدى.
«جاڭا جىلدان كەيىن قوعامدىق باقىلاۋدىڭ ينتەراكتيۆتىك كارتاسىن جاسايتىن بولامىز. كەز كەلگەن ازامات سايتقا, پورتالعا كىرىپ, قارجىنىڭ قايدا, قانداي ماقساتپەن جۇمسالىپ جاتقاندىعىن بىلە الاتىن بولادى. بۇل وفيس مەملەكەت پەن ازاماتتىق قوعام اراسىنداعى كوپىر مىندەتىن اتقارادى. كەز كەلگەن تۇرعىن ءبىزدىڭ وفيسكە كەلىپ, مەملەكەتتىك قىزمەتكە, مەن ايتقان سالالار جۇمىسىنا قاتىستى شاعىمىن, تىلەگىن, ۇسىنىسىن ايتا الادى. تۇرعىندار شاعىمى مەن ەسكەرتۋلەرى مىندەتتى تۇردە قارالاتىن بولادى» دەيدى وفيس جەتەكشىسى ەۆگەني بەدىچ.
«Kostanai – Adaldۋq Alanۋ» جوبالىق ءوفيسىن قوستاناي وبلىسىنا ءىس-ساپارمەن كەلگەن قر مەملەكەتتىك قىزمەت جانە سىبايلىق جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ پەن وبلىس اكىمى ارحيمەد مۇحامبەتوۆ كەلىپ كوردى.
«جۇمىس ماقساتى – تۇرمىستىق سىبايلاس جەمقورلىقتىڭ تامىرىنا بالتا شابۋ كەرەك. ەلباسى 2020 جىلعا دەيىن سالانى تسيفرلاندىرۋ كەرەكتىگىن ايتتى. قازىر بۇل جۇمىس قارقىندى ءجۇرىپ جاتىر. مولدىرلىكتى قامتاماسىز ەتەتىن بارلىق جۇمىس تسيفرلاندىرىلادى, سوعان قاراماستان قالعان مۇمكىندىكتەردى دە بارىنشا پايدالانۋ كەرەك. وسىلاي تۇرمىستاعى سىبايلاس جەمقورلىقپەن كۇرەسۋ كەرەك, ءتىپتى,ونى جەڭۋىمىز كەرەك» دەدى اليك شپەكباەۆ.
مۇنداي وفيستەر ەلباسىنىڭ باستاماسى بويىنشا بارلىق وبلىس ورتالىقتارىندا قۇرىلاتىن بولادى.
ءنازيرا جارىمبەت,
«ەگەمەن قازاقستان»
قوستاناي