تۇڭعىش پرەزيدەنت كۇنىن مەرەكەلەۋدىڭ نەگىزگى مىندەتى قازاقستان رەسپۋبليكاسى تۇڭعىش پرەزيدەنتى – ەلباسى ن.ءا.نازارباەۆتىڭ قازاقستاندىق مەملەكەتتىلىكتى قۇرۋداعى, قازاقستاندىق قوعامنىڭ تۇراقتى دامۋىن قامتاماسىز ەتۋدەگى اۋقىمدى تاريحي ءرولىن كورسەتۋ بولىپ تابىلادى. ىشكى ىستەر ورگاندارى جەكە قۇرامى قىزمەتكەرلەرىنىڭ مادەني دەڭگەيىن ارتتىرۋ, پاتريوتتىق تاربيەلەۋ ماقساتىندا 1-جەلتوقسان «تۇڭعىش پرەزيدەنت كۇنىن» مەرەكەلەۋگە ارنالعان ءىس-شاراسى وسى ماقساتتى ۇعىندىرا ءتۇسۋ باعىتىندا ۇيىمداستىرىلدى.
ءىس-شارا اياسىندا باسقارما قىزمەتكەرلەرىنىڭ پاتريوتتىق سەزىمىن كوتەرۋ ماقساتىندا مەملەكەتتىك تۋ شىعارىلىپ, باسقارما قىزمەتكەرلەرى مەملەكەتتىك ءانۇرانادى ورىندادى.
مەرەكەلىك ءىس-شارادا اقتاۋ قالاسى پب باستىعىنىڭ ورىنباسارى پوليتسيا پولكوۆنيگى م.ساداقباەۆ قر ىشكى ىستەر ءمينيسترى ق.قاسىموۆتىڭ قۇتتىقتاۋ جەدەل حاتىن وقىپ, ءارى قاراي مەرەكەلىك بۇيرىقتارمەن تانىستىردى.
سونداي-اق ق.سىديىقوۆ اتىنداعى ماڭعىستاۋ وبلىستىق امبەباپ كىتاپحاناسىنىڭ قىزمەتكەرلەرى كورمە ۇيىمداستىرىپ, تاۋەلسىز قازاقستاننىڭ قۇرىلۋى مەن دامۋىنداعى ەل پرەزيدەنتى – ەلباسى ن.ءا. نازارباەۆتىڭ تاريحي ءرولىن ءتۇسىندىرۋ ماقساتىندا «ەل باعىنا تۋعان ەر» اتتى تاقىرىپقا ءدارىس وقىدى. ەلباسى قىزمەتىنە ارنالعان كىتاپتاردى كىتاپحانا قىزمەتكەرى ءا.دوسقاليەۆا تانىستىردى. مۇرىن جىراۋ اتىنداعى ماڭعىستاۋ گۋمانيتارلىق كوللەدجى ستۋدەنتتەرى تۋعان ەل, وتان, تۋعان جەر تۋرالى ولەندەرىن وقىسا, ماڭعىستاۋ ونەر كوللەدجىنىڭ ستۋدەنتتەرى دومبىرامەن كۇي تارتىپ, جىردان شاشۋ شاشتى.
ءىس-شارا سوڭىندا باسقارمانىڭ كادر جۇمىسى ءبولىمى قىزمەتكەرلەرى دايىنداعان « ۇلى دالانىڭ جەتى قىرى» اتتى حرونيكالىق دەرەكتى فيلمدەر كورسەتىلىمى ۇيىمداستىرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى