ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ باسشىسى لاۋازىمىنا قارابالاەۆ نۇربەك جۇمابەك ۇلىن تاعايىندادى.
نۇربەك جۇمابەك ۇلىنىڭ «قۇقىقتانۋ», «دەنە شىنىقتىرۋ جانە سپورت مۇعالىمى» ماماندىقتارى بويىنشا ءبىلىمى بار.
ەڭبەك جولىن 2006 جىلى قازاقستان رەسپۋبليكاسى ۇلتتىق قاۋىپسىزدىك كوميتەتىندە اسكەري قىزمەتتەن باستاعان.
2013-2017 جىلدار ارالىعىندا «NAIZA FIGHTER» كاسىپقوي سپورت كلۋبى» قوعامدىق بىرلەستىگىنىڭ پانكراتيون بويىنشا ماڭعىستاۋ قۇراما كومانداسىنىڭ اعا جاتتىقتىرۋشىسى, كەيىن وسى قوعامدىق بىرلەستىكتىڭ باسشىسى, ماڭعىستاۋ وبلىسىنىڭ پارۋس بويىنشا بالالار مەن جاسوسپىرىمدەر سپورت مەكتەبى» باسشىسىنىڭ ورىنباسارى قىزمەتتەرىن اتقاردى.
2017 جىلدىڭ قاڭتار - قاراشا ايلارى اراسىندا ماڭعىستاۋ وبلىسىنىڭ دەنە شىنىقتىرۋ جانە سپورت باسقارماسىنىڭ باس مامانى, 2017 جىلدىڭ قاراشا ايىنان باستاپ قازىرگى ۋاقىتقا دەيىن وسى باسقارمانىڭ باسشىسىنىڭ ورىنباسارى قىزمەتىن اتقارىپ كەلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى