تۇڭعىش پرەزيدەنتتىڭ تىكەلەي تاپسىرماسى بويىنشا الداعى ۋاقىتتا قاراعاندى جانە تەمىرتاۋ قالالارىندا الەۋمەتتىك جاڭا نىساندار سالىنباقشى. بۇل تۋرالى وبلىس اكىمى ەرلان قوشانوۆ ورتالىق كوممۋنيكاتسيالار قىزمەتىندە وتكەن بريفينگتە مالىمدەدى.
مىسالى, قاراعاندىدا زاماناۋي بالالار جانە جاسوسپىرىمدەر سارايىن سالۋ جوسپارلانعان. ءداستۇرلى ۇيىرمەلەرمەن قاتار مۇندا جاڭا سەكتسيالار, اتاپ ايتقاندا روبوت تەحنيكاسى جانە مودەلدەۋ, سونداي-اق پلانەتاري ۇيىرمەلەرى بولادى. ال كوكتەمدە وليمپيادا ستاندارتتارىنا ساي كەلەتىن 50 مەترلىك ءجۇزۋ باسسەينى سالىنا باستايدى. سونداي-اق, وبلىس ورتالىعىندا 1500 ورىنعا شاقتالعان كونتسەرت زالى مەن كۇرەس ورتالىعى بوي كوتەرەدى.
بۇدان بولەك, قاراعاندىنىڭ تەمىرجول ۆوكزالى تولىقتاي جاڭعىرتىلادى. سونىڭ ناتيجەسىندە, جولاۋشىلار اعىمى 2,5 ەسەگە ارتپاق. سونىمەن قاتار, ايگىلى بوكسشى گەننادي گولوۆكين اۋماعى 5500 شارشى مەتر بولاتىن سپورت كەشەنىن سالىپ جاتىر.
ال تەمىرتاۋ قالاسىندا «ارسەلورميتتال تەمىرتاۋ» كومپانياسى 20 مىڭ ادامعا ارنالعان جاڭا ەمحانا, بالاباقشا جانە كاسىبي سپورت كەشەنىن سالادى.
قايرات ءابىلدا,
«ەگەمەن قازاقستان»
قاراعاندى وبلىسى