قازاقستان رەسپۋبليكاسى ورتالىق سايلاۋ كوميسسياسىنىڭ وتىرىسى بولدى

وتىرىستى اشا وتىرىپ, وسك توراعاسى بەرىك يماشەۆ سايلاۋ كوميس­سيالا­رىنىڭ جاڭا قۇرامدارى 2019 جىل­دىڭ ءبىرىنشى توقسانىندا قازىرگى قۇرام­داردىڭ وكىلەتتىك مەرزىمىنىڭ اياقتالۋى­نا بايلانىستى قالىپتاسۋدا ەكەنىن اتاپ كورسەتتى. كوميسسيالاردىڭ جاڭا قۇرام­دارىن سايلاۋ بويىنشا ءماسليحاتتار­دىڭ سەسسيالارىن 2019 جىلدىڭ 15 قاڭ­تارىنا دەيىن وتكىزۋ جوسپارلانىپ وتىر.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭ­نىڭ كۇشىنە ەنگەن تۇزەتۋلەرىنە ساي­كەس كوميسسيالاردىڭ قۇرامدارىن قالىپ­تاستىرۋ ءتارتىبى رەتتەلىپ, قولدانىستاعى قۇقىقتىق كەمشىلىكتەر جويىلدى. العاش رەت اۋماقتىق سايلاۋ كوميس­سيالارىنىڭ جاڭا قۇرامدارىندا تورا­عالار نەمەسە ولاردىڭ ورىنباسارلارى, سونداي-اق حاتشىلار وزدەرىنىڭ وكىلەت­تىكتەرىن تۇراقتى كاسىبي نەگىزدە جۇزەگە اسىرادى. 

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 10-بابىنا سايكەس اۋماقتىق جانە ۋچاس­كەلىك سايلاۋ كوميسسيالارىنىڭ مۇشە­لەرىن ساياسي پارتيالاردىڭ ۇسىنىس­تارى نەگىزىندە ءتيىستى ءماسليحاتتار سايلايدى.

ءاربiر ساياسي پارتيا تيiستi سايلاۋ كوميسسياسىنىڭ قۇرامىنا بiر كانديداتۋرا ۇسىنۋعا قۇقىلى. ساياسي پارتيا سايلاۋ كوميسسياسىنىڭ قۇرامىنا وسى ساياسي پارتيانىڭ مۇشەلەرi بولىپ تابىلمايتىن كانديداتۋرالاردى ۇسىنۋعا قۇقىلى.

وتىرىس بارىسىندا 2019 جىلى سايلاۋ كوميسسيالارىنىڭ قۇرامدارىن قالىپتاستىرۋ جونىندەگى ۇسىنىمداردىڭ جوباسى تالقىلاندى. پىكىر الماسۋ نا­تي­جەسى بويىنشا وتىرىستىڭ بارلىق قا­تى­­سۋ­شىلارىمەن كەلىسىلگەن ۇسىنىم­دار­دى ورتالىق سايلاۋ كوميسسياسى ماقۇل­دادى.

ورتالىق سايلاۋ كوميسسياسىنىڭ مۇ­شەلەرى «شىمكەنت قالاسى اۋدان­دارى­نىڭ اۋماقتىق سايلاۋ كوميسسيالارىن قۇرۋ تۋرالى» قاۋلىنى ءبىراۋىزدان قابىلدادى.

اتالعان قاۋلىمەن  شىمكەنت قالا­سىنىڭ اباي, ءال-فارابي, ەڭبەكشى جانە قاراتاۋ اۋداندارىندا ءتورت اۋداندىق اۋماقتىق سايلاۋ كوميسسياسى قۇرىلدى.

جولدىباي بازار,

«ەگەمەن قازاقستان»