ەلباسى ەنەرگەتيكا ءمينيسترىن قابىلدادى

كەزدەسۋدە مەملەكەت باس­شى­سىنا قاۋىپسىزدىك كەڭەسىنىڭ بيىلعى 7 قاراشاداعى وتىرى­سىن­دا بەرىلگەن تاپسىرمالار­دىڭ ورىن­دالۋ بارىسى تۋرالى باياندال­دى.

– مينيسترلىك وسى جىلدى بار­لىق باعىتتار, سونىڭ ىشىن­دە مۇناي ءوندىرۋ, ەلەكتر ەنەر­گياسى, بالامالى ەنەرگيا كوز­دەرى, گەولوگيالىق بارلاۋ سالالا­رى جانە ءىرى ينۆەستورلارمەن جۇ­مىس جۇرگىزۋ ماسەلەسى بويىن­شا جاقسى كورسەتكىشتەرمەن اياقتا­عالى وتىر, – دەدى قازاقستان پرە­زيدەنتى.

نۇرسۇلتان نازارباەۆ تاريف­تەرگە باقىلاۋ جۇرگىزۋ جاۋاپ­كەر­شىلىگى تەك ەنەرگەتيكا مينيس­ترلىگىنە ەمەس, سونداي-اق ۇلتتىق ەكونوميكا مينيسترلىگىنە دە جۇكتەلگەنىن اتاپ ءوتتى.

– تاريفتەرگە قاتىستى سىن اي­تىلدى. وعان ەنەرگەتيكا مي­نيسترلىگى عانا جاۋاپتى ەمەس. ەلەكتر ەنەرگياسى كوزى مەن ونى تاسىمالداۋعا ەنەرگەتيكا مي­نيس­ترلىگى جاۋاپ بەرەدى, ال ونى قاي­تا ءبولۋ مەن تۇتىنۋشىلارعا جەت­كىزۋ ءىسىن باقىلاۋدى مونو­پو­لياعا قارسى كوميتەت جۇزەگە اسىرادى, – دەدى مەملەكەت باسشىسى.

قازاقستان پرەزيدەنتى ەنەر­گەتيكالىق قىزمەت كورسەتۋ نارى­عىنداعى تاريفتەردى قالىپ­تاستىرۋ جانە باقىلاۋ ۇدەرى­سىندە ۇكىمەتتىڭ باستى ءرول اتقا­را­تىنىن اتاپ ءوتتى.

– جىل سايىن ەنەرگەتيكا مينيسترلىگى ۇكىمەت وتىرىسىندا تاريفتەردى تومەندەتۋ قاجەتتىگى جونىندە بايانداپ كەلدى. بۇل ماسەلەلەر بويىنشا پرەمەر-مي­نيستر مەن ۇكىمەت شارالار قا­بىلدامادى. وسى سالادا ءتارتىپ ورناتۋدى بارىنە تاپسىرامىن. جاۋاپتى ۆەدومستۆولاردىڭ ءبارى مينيسترلىكتىڭ قاراماعىندا بو­لۋى ءتيىس نەمەسە ۇكىمەت بۇل ۇدە­رىستى ءوزى ۇيلەستىرگەنى ءجون, – دەدى نۇرسۇلتان نازارباەۆ.

ق.بوزىمباەۆ مەملەكەت باس­شى­سىنا ستانتسيالاردا ەلەكتر ەنەرگياسىن ءوندىرۋدىڭ شەكتى تا­ريف­تەرىن بەكىتۋ ءۇشىن اتقارىلعان جۇ­مىستاردىڭ ناتي­جەلەرى جو­نىندە مالىمدەدى.

– جەلتوقسان ايىنىڭ ءبىرىنشى ونكۇندىگىندە ساۋدا باسەكەسى وت­كى­زىلەدى. سونىڭ ناتيجەسىندە قۋات­تىلىق ءتاريفى انىقتالادى. سول ۋاقىتتا وسىنىڭ نەگىزىندە ەلەك­­تر ەنەرگياسىنىڭ شەكتى تا­ريف­تەرىن بەكىتەمىز. ولار ستان­تسيا­لار­دىڭ تيپتەرىنە قا­راي ءارتۇر­لى بولادى. بىراق ستان­تسيانىڭ تۇر­لە­رىنە بايلانىستى, ورتاشا ەسەپ­پەن العاندا, 5 پا­يىزدان 20 پا­يىزعا دەيىن تومەن­دەيتىن بولادى, – دەدى ەنەرگەتيكا ءمينيسترى. 

كەزدەسۋ بارىسىندا ۇلتتىق ەكونوميكا مينيسترلىگى تابي­عي مونوپوليالاردى رەتتەۋ, باسەكە­لەستىكتى جانە تۇتىنۋشىلاردىڭ قۇقىعىن قورعاۋ كوميتەتى تاراپىنان وڭىرلىك ستانتسيالارمەن جانە ەلەكتر قۋاتىمەن قام­تا­ما­سىز ەتەتىن ۇيىمداردىڭ تا­ريف­تە­رىن تومەندەتۋ ءۇشىن جۇمىس جۇر­گىزۋ قاجەتتىگى تۋرالى ايتىلدى.

كەزدەسۋ سوڭىندا مەملەكەت باسشىسى مينيسترلىكتىڭ ەلەكتر ەنەرگياسى نارىعىنداعى تا­ريف­تەردى رەتتەۋ جونىندەگى تاسىل­دەرىن ماقۇلداپ, بىرقاتار ناقتى تاپسىرما بەردى.