استانانىڭ 20 جىلدىعىنا ارنالعان «جاس اقىن» جىر ءمۇشايراسىنىڭ جەڭىمپازدارى ماراپاتتالدى. بايقاۋ ەرەجەسىنە سايكەس, جاس اقىندار «استانا – جاستار جۇرەگىندە», «استانا – جيىرماداعى جاس قالا» جانە ەركىن تاقىرىپتا ولەڭدەرىن جولداعان.
قازىلار القاسىنىڭ توراعاسى نەسىپبەك ايت ۇلى: «ەلباسى كەلەسى جىلدى جاستار جىلى دەپ جاريالادى. بايقاۋعا كەلىپ تۇسكەن 400-گە جۋىق اقىننىڭ ولەڭدەرىن قارادىق, ولاردىڭ اراسىنان ۇزدىك 30 بالانى ىرىكتەدىك. وتىز اقىننىڭ اراسىنان 10 اقىندى استاناعا شاقىرىپ وتىرمىز. قازاق باردا, قازاقتىڭ ءتىلى باردا قازاقتىڭ ادەبيەتى ولمەيدى. ادام ۇرپاعىمەن مىڭ جاسايدى. مەملەكەت تە سولاي. مەملەكەتىمىزدىڭ بولاشاعى وسى جاستاردىڭ قولىندا», دەدى.
مۇشايراعا قاتىسۋعا 400-گە جۋىق جاس اقىن ءوتىنىم بەرگەن. ولاردىڭ اراسىنان ىرىكتەلگەن وتىز اقىننىڭ ولەڭى ارنايى جيناق بولىپ جارىق كورەدى. ال اقتىق سىنعا وتكەن 10 اقىن استاناعا شاقىرىلىپ, ماراپاتقا يە بولدى. نوسەرحان شۋاق, سالقىنبەك جانىبەك, قۇربانكۇل مولدابەكقىزى جانە قاليجان ەركەناز سىندى جاس اقىندار ىنتالاندىرۋ سىيلىعى مەن 50 مىڭ تەڭگەدەن سىياقى الدى. اقىلجان ناعاشىباي, مەدەت بوجان جانە ايگەرىم كوكەەۆا ءۇشىنشى ورىن مەن 100 مىڭ تەڭگە سىياقىنى يەلەندى. ەكىنشى ورىن مەن 200 مىڭ تەڭگە سىياقىنى ورازاي جەڭىس ۇلى مەن اباي وراز جەڭىپ الدى. ال ءبىرىنشى ورىن مەن 300 مىڭ تەڭگە جۇلدەگە شىعىسقازاقستاندىق دانييا ساتبەكقىزى لايىق دەپ تانىلدى.
باعاشار تۇرسىنباي ۇلى,
«ەگەمەن قازاقستان»