تۇڭعىش پرەزيدەنت كۇنى قارساڭىندا ارال اۋدانىنىڭ سەكسەۋىل كەنتى ماڭىندا كومپرەسسورلىق ستانتسيا ىسكە قوسىلدى.
ستانتسيانىڭ اشىلۋ سالتاناتىنا قىزىلوردا وبلىسىنىڭ اكىمى قىرىمبەك كوشەرباەۆ جانە «قازمۇنايگاز» ۇك» اق ديرەكتورلار كەڭەسىنىڭ توراعاسى قايرات شارىپباەۆ قاتىستى. شارانى استانادا قر ەنەرگەتيكا ءمينيسترى قانات بوزىمباەۆ, «قازمۇنايگاز» ۇك» اق باسقارما توراعاسى اليك ايدارباەۆ جانە رەسپۋبليكانىڭ گازبەن قامتاماسىز ەتەتىن كاسىپورىندارىنىڭ باسشىلارى تىكەلەي بايلانىس ارقىلى تاماشالادى.
ءبىز ارال وڭىرىندە «ارال» كومپرەسسورلىق ستانتسياسىنىڭ ىسكە قوسىلۋ راسىمىنە كۋا بولدىق. ۇلى دالانىڭ قۋاتىن ەل يگىلىگىنە جۇمساۋ مۇمكىندىگىن تاۋەلسىز ەلىمىزدىڭ قارقىندى دامىپ كەلە جاتقانىنىڭ ءبىر دالەلى رەتىندە اتاپ وتۋگە بولادى. «كازترانسگاز» اق قىزمەتكەرلەرى بولىنگەن 50 ملرد تەڭگە قارجىعا جەتى ايدا رەكوردتىق ۋاقىت ىشىندە وتە ماڭىزدى نىساندى ىسكە قوسىپ وتىر. سونىمەن قاتار, جاقىن ارادا «قورقىت اتا» كومپرەسسورلىق ستانتسياسى ىسكە قوسىلادى. تاۋەلسىزدىك مەرەكەسىنىڭ قارساڭىندا «قاراوزەك» كومپرەسسورلىق ستانتسياسىنان باستاپ استاناعا قاراي سارىارقا ماگيسترالدى گاز قۇبىرىنىڭ قۇرىلىسى باستالىپ, ەلوردامىزعا كوگىلدىر وتىن جەتكىزۋ جوباسىنىڭ باستالۋىنا كۋاگەر بولامىز. وسىنىڭ بارلىعى - حالقىمىزدىڭ اۋىزبىرشىلىك, ىنتىماعىنىڭ جانە ەلباسى ساياساتىنىڭ ارقاسىندا»,-دەدى ايماق باسشىسى.
سونداي-اق ەنەرگەتيكا ءمينيسترى قانات بوزىمباەۆ قىزىلوردالىقتاردى ستانتسيانىڭ ىسكە قوسىلۋىمەن قۇتتىقتادى.
ەستەرىڭىزگە سالا كەتەيىك, قىزىلوردا وبلىسىنىڭ اكىمدىگى مەن «قازمۇنايگاز» ۇك» اق اراسىنداعى مەموراندۋمعا سايكەس ارال, قازالى, شيەلى جانە جاڭاقورعان اۋداندارىن جانە بايقوڭىر قالاسىن گازداندىرۋ جوباسى جۇزەگە اسىرىلدى. بيىل قر ەنەرگەتيكا مينيسترلىگىنىڭ قولداۋىمەن قالعان 3 اۋدان ورتالىعىن - جوسالى, تەرەڭوزەك جانە جالاعاشتى گازداندىرۋ جۇمىستارى باستالدى, 2020 جىلى بارلىق 7 اۋدان ورتالىعىن كوگىلدىر وتىنعا قوسۋ جوسپارلانۋدا.
قازىرگى تاڭدا وڭىردە وبلىس حالقىنىڭ 63%-ى تابيعي گازبەن قامتاماسىز ەتىلگەن, 2020 جىلعا قاراي گازداندىرۋدى 95% - عا جەتكىزۋ مىندەتى قويىلعان.