ۇلتتىق جاڭعىرۋدىڭ جارقىن ۇلگىسى – تاريحىمىزدى تۇگەندەپ, ءداستۇر-سالتىمىزدى, ۇلتتىق قۇندىلىقتارىمىزدى, مادەني جەتىستىكتەرىمىزدى دارىپتەپ, بولاشاققا باعدار جاساۋ. بۇل رەتتە مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسى مەملەكەتتىك جانە ۇلتتىق يدەولوگيامىزدىڭ نەگىزگى وزەگىنە اينالدى. ۇلتتىق بىرەگەيلىكتى ساقتاي وتىرىپ, جاھاندىق ۇردىستەرگە قارسى تۇرۋدىڭ ناقتى جولدارىن كورسەتتى. ەندى مىنە, ەلباسىنىڭ وسى ءبىر تەرەڭ تۇجىرىمداماسىنىڭ جالعاسىنداي « ۇلى دالانىڭ جەتى قىرى» اتتى مازمۇندى ماقالاسى جارىق كوردى. ۇلى دالا تاريحىنىڭ تولايىم تابىستارىن دالەلدى دەرەكتەرمەن كوركەم كەستەلەپ, رۋحىمىزدى اسقاقتاتىپ, جادىمىزدى قايتا جاڭعىرتتى.
ەل پرەزيدەنتىنىڭ پاراساتتى پايىمى تاريحىمىزدى جاڭا قىرىنان تانۋعا تىڭ سەرپىن بەرەرى ءسوزسىز. بۇل ارقىلى ءبىز جوعىمىزدى تۇگەلدەپ, بارىمىزدى بايىپتاپ, ەڭ باستىسى الەمدىك وركەنيەتتەگى ءوز ورنىمىزدى نىقتاي تۇسەرىمىز كامىل.
تاريحي سانانى جاڭعىرتۋعا بايلانىستى جاڭا باستامالار كوتەرىلىپ, ناقتى تاپسىرمالار بەرىلدى. مۇنىڭ ىشىندە مەكتەپتەر مەن بارلىق وڭىرلەردەگى ولكەتانۋ مۋزەيلەرىنىڭ جانىنان تاريحي-ارحەولوگيالىق قوزعالىستار قۇرۋ يدەياسى ءبىز ءۇشىن ەرەكشە اسەر ەتتى. وسكەلەڭ ۇرپاقتىڭ بويىنا وتانشىلدىق ءنارىن سەبۋ مەكتەپ قابىرعاسىنان باستالسا, كەيىنگى جاستاردىڭ كەمەل بولاشاعىنا ۇمىتپەن قارارىمىز انىق.
سونداي-اق, « ۇلى دالا» اتتى ەجەلگى ونەر جəنە تەحنولوگيالار مۋزەيىن اشۋ باستاماسى دا ۇلى تاريحىمىزدى ۇلىقتاپ, ۇلتتىق ەرەكشەلىگىمىزدى ايقىنداي تۇسەدى دەگەن ويدامىز.
مەملەكەت باسشىسىنىڭ قازاق رۋحانياتىنىڭ قارا شاڭىراعى - ۇلتتىق مۋزەيىمىزدىڭ اشىلۋ سالتاناتىندا: ء«بىزدىڭ تاريحىمىز – ماقتان ەتۋگە لايىق ەرلىك پەن ەلدىك تاريحى. مىڭجىلدىقتار قويناۋىنان باستاۋ الاتىن قازاق شەجىرەسى ادامزات تاريحىنىڭ اجىراماس بولىگى. ماڭگىلىك ەلىمىز باردا قازاقتىڭ تاريحى دا ماڭگىلىك» دەگەن ءسوزى ۇدايى جادىمىزدا.
« ۇلى دالانىڭ جەتى قىرى» ماقالاسى تاريحىمىزدى قايتا تۇلەتىپ, جاڭا كوكجيەكتەر اشىپ, ىرگەلى جوبالارعا جول سالارىنا سەنەمىز.
لەونيد كوچەتوۆ,
قازاقستان رەسپۋبليكاسى ۇلتتىق مۋزەيى ديرەكتورىنىڭ مىندەتىن اتقارۋشى