بيۋدجەت قاراجاتى نەگىزسىز جۇمسالعان

ەكسپو-2017 كورمەسىنىڭ اشىلۋىنا وراي قىزمەت كورسەتە باستاۋى ءتيىس بولعان استاناداعى جاڭا تەمىر جول ۆوكزالىنىڭ باستاپقى قۇنى 210,3 ملرد تەڭگە بولاتىن. قۇرىلىس بارىسىندا بۇل 243,6 ملرد تەڭگەگە دەيىن ارتتى. پايدالانۋعا قۇرىلىس-مونتاجداۋ جۇمىسىنىڭ, قۇرال-جابدىقتار مەن قۇرال-سايماننىڭ تەك 36,3 پايىزى عانا بەرىلگەن. بۇعان قوسا, 50,7 ملن تەڭگەنىڭ جۇمىستارى ساپاسىز ورىندالىپ, قۇرال-جابدىقتار ورناتىلماعان», دەدى ك.پلوتنيكوۆ. سونىمەن قاتار تەمىر جول ۆوكزالىنىڭ مۇگەدەكتەرگە ارنالعان اقپاراتتىق-دابىل قۇرىلعىسىنا 11,1 ملن تەڭگە بولىنگەنىمەن, ول قۇرىلعىلار جۇمىس ىستەمەيتىن بولىپ شىقتى. قىسقى زال قۇرىلىسىنا ارنالعان 22,1 ملن تەڭگەنىڭ دە ءتيىمسىز پايدالانىلعانى انىقتالىپ وتىر. «سۇيىتىلعان اۋا جانە ازوت ءوندىرىسىن ورناتۋ جونىندەگى جوبانى جۇزەگە اسىرۋعا قاراجات بولىنگەن. بىراق بۇل سوما  پايدالانىلماعان. 2015 جىلدان بەرى بيۋدجەتكە قايتارىلمايتىن بولعاندىقتان, 18 ملرد تەڭگەدەن استام قاراجات باقىلاۋ ەسەپ شوتىندا جاتىر», دەدى ك.پلوتنيكوۆ. 

ايتا كەتەرلىگى, ەسەپ كوميتەتى ۇلتتىق ەكو­نو­ميكا مينيسترلىگىنىڭ 2014-2018 جىلدارعا ارنالعان ستراتەگيالىق جوس­پارى مەن كورسەتىلەتىن قىزمەتتەر سالا­سىن دامىتۋ جونىندەگى 2020 جىلعا دەيىنگى باع­دار­­لاماسىنا بولىنگەن قاراجاتقا اۋديت جۇر­گىز­دى. تەكسەرىس ناتيجەسىندە بىرقاتار زاڭ بۇ­زۋشىلىقتار انىقتالدى: قىزمەتتەر كورسە­تۋ سالاسىنداعى زەرتتەۋلەردىڭ ساپالى ورىن­دالماۋى جانە قۇرىلىس قىزمەتى تۋرالى زاڭ­نامانىڭ ساقتالماۋى بويىنشا 963,5 ملن تەڭگەنى قۇرايتىن قارجىلىق زاڭ بۇزۋشى­لىق­تار انىقتالىپ وتىر. سونىمەن قاتار سوماسى 208 551 ملن تەڭگە بيۋدجەت قاراجاتىن ءتيىمسىز پايدالانۋ, سونداي-اق سوماسى 6 162 ملن تەڭگەگە بيۋدجەتتىك وتىنىمدەردى ساپاسىز جاساۋ فاكتىلەرى انىقتالعان. ەسەپ كوميتەتى جۇرگىزگەن تەكسەرىس كەزىندە ءىرى ءتورت جوبادان شيكىلىك شىققاندىعى بەلگىلى بولدى. ولار – «نۇرلى جول» ۆوكزالى, جەزقازعان – بەينەۋ تەمىر جول جەلىسى, قۇرىق پورتىنداعى پاروم كەشەنى جانە اتىراۋ وبلىسىنداعى «ۇلتتىق يندۋستريالىق مۇناي-حيميا تەحنوپاركى». 

ەركەجان ايتقازى,

«ەگەمەن قازاقستان»