الماتى ورتالىعىندا ءىرى ماگيسترالدىك جىلۋ قۇبىرى جارىلدى, دەپ حابارلايدى قازاقپارات ءتىلشىسى.
«الماتى جىلۋ جەلىلەرى» جشس حابارلاعانداي, نازارباەۆ پەن قازىبەك بي كوشەلەرىنىڭ قيىلىسىنداعى جىلۋ تراسساسى جارىلعان.
بۇل جەردەگى ديامەترى 700 مم قۇبىر 1993 جىلى بەرىلگەن ەكەن.
توتەنشە جاعداي تۋرالى تۇنگى 2:30-دا بەلگىلى بولدى.
«شۇعىل تۇردە قازى بەك بي - زەنكوۆ - گوگول - پانفيلوۆ كۆادراتىنداعى ينجەنەرلىك جەلىلەرگە سۋ بەرىلۋ توقتاتىلدى. توتەنشە جاعدايدان ەشكىم زارداپ شەككەن جوق. تۇتىنۋشىلاردىڭ مۇلكىنە ەشقانداي نۇقسان كەلمەدى. جول قاباتى قۇبىر اۋىستىرىلعان سوڭ دەرەۋ توسەلەتىن بولادى. جىلۋ جەلىسىن اپاتتى جاعدايدا توقتاتۋ نىساندار مەن ۇيلەرگە بەرىلەتىن جىلۋعا ىقپال ەتپەيدى», - دەدى كوممۋنالدىق قىزمەت وكىلدەرى.