نيدەرلاندتىق كاسىپكەر, "گرين كاپيتال قازاقستان" جشس باسشىسى الەۆەن ديەدەريك تەودوريك اقتوبە وبلىسىنىڭ شەتەلدىك ينۆەستورلارعا نەسىمەن تارتىمدى ەكەنىن ايتتى. ول سونداي-اق جەرگىلىكتى بيلىككە اقتوبە قالاسىنداعى جىلىجاي كەشەنىنىڭ قۇرىلىسى بويىنشا جوبانى جۇزەگە اسىرۋعا قولداۋ كورسەتكەندەرى ءۇشىن ريزاشىلىعىن ءبىلدىردى.
- بۇگىندە جىلىجاي قۇرىلىسىنا 20 ملن دوللارداي ينۆەستيتسيالاندى, كەلەسى جىلى تاعى 10 ملن-عا جۋىق دوللار سالۋ جوسپارلانىپ وتىر. اقتوبە وبلىسى ءبىزدى ارزان گازىمەن, جاقسى بيزنەس جاعدايىمەن جانە رەسەيگە جاقىندىعىمەن تارتادى. جوبانى جۇزەگە اسىرۋ كەزىندە ءبىز جەرگىلىكتى بيلىك تاراپىنان, اتاپ ايتقاندا اۆتوكولىك جولدارى مەن گاز تارتۋ ماسەلەلەرىندە ايتارلىقتاي قولداۋ تاپتىق. كورسەتكەن قولداۋلارىڭىز ءۇشىن سىزدەرگە العىسىمدى بىلدىرگىم كەلەدى, دەدى ول قالا اكتيۆىمەن كەزدەسۋ كەزىندە.
سونداي-اق, شەتەلدىك ينۆەستور وبلىس اكىمىن جاقىن ارادا اشىلاتىن جىلىجايدى كورۋگە شاقىردى.
ءوز كەزەگىندە بەردىبەك ساپارباەۆ تا وعان ءوڭىر ەكونوميكاسىنا قوسقان ۇلەسى ءۇشىن العىس ايتتى.
- مەملەكەت باسشىسى ازىق-ت ۇلىك قاۋىپسىزدىگىن قامتاماسىز ەتۋ ماسەلەسىنە باسا نازار اۋدارادى. ءبىز ءوڭىر حالقىن جاڭا پىسكەن كوكونىسپەن قامتاماسىز ەتىپ, اۋىل شارۋاشىلىعى ونىمدەرىن ەكسپورتتاۋعا مۇددەلىمىز. سوندىقتان ءبىز ينۆەستورلاردى قاشاندا قولدادىق جانە ءارى قاراي دا قولدايتىن بولامىز, دەپ سەندىردى اكىم.
تەمىر قۇسايىن,
«ەگەمەن قازاقستان»