«باستاۋ» جوباسىنىڭ تىڭداۋشىلارىنا كوشەدەگى ساۋدانى ۇيىمداستىرۋ ۇيرەتىلدى.
«كوشە ساۋداسىنا ارنالعان 250 ورىن» جوباسىنا دايىن بيزنەس-جوسپارى بار, سالىق قارىزدارى جوق كاسىبىن جاڭادان اشقان نەمەسە جۇمىس ىستەپ تۇرعان كەز-كەلگەن كاسىپكەر قاتىسا الادى. بۇل تۋرالى ءبىر ايلىق «باستاۋ» كاسىپكەرلىك وقىتۋلارىنىڭ تىڭداۋشىلارىنا «اقتوبە» اكك ۇك» اق وكىلدەرى ايتىپ ءتۇسىندىردى.
«جوبانىڭ ەرەكشەلىگى سول –كاسىپكەرلەر ءوز ونىمدەرىن دەلدالدارسىز, تىكەلەي ساتۋعا شىعارا الادى. نەگىزگى باسىمدىق جەرگىلىكتى اۋىلشارۋاشىلىق ونىمدەرىنە بەرىلەدى.ءبىر جاعىنان, قالا تۇرعىندارى الىسقا بارماي-اق, ساپالى ونىمدەردى ارزان باعاعا ساتىپ الادى, ەكىنشى جاعىنان كاسىپكەرلەر وزدەرى تۇراتىن اۋداننان جۇمىس ورنىنقۇرۋعا مۇمكىندىك الادى. سونىمەن قاتار, شاشتاراز قىزمەتى مەن تىگىن شەبەرحاناسىناشۋعا بولادى. ەگەر ءبىر جەردى الۋعا 4 ءوتىنىم تۇسسە, ونى كوميسسيانىڭ قاراۋىنا بەرەدى, ال ودان كوپ بولسا, جەر تەلىمى اۋكتسيونعا شىعارىلادى»,-دەيدى«اقتوبە» اكك ۇك» اق مامانى الەكساندرا قالدىعۇلوۆا.
جەر تەلىمىن بولۋدە پاۆيلونداردىڭ سىرتقى كورىنىسى مەن ونىڭ قالا ساۋلەتىنە جانە زاماناۋي تالاپتارعا سايكەستىگى ەسكەرىلەدى. ساۋدا ورىندارىنىڭ 7 جىل مەرزىمگە جالعا بەرىلەدى, سوندىقتانكاسىپكەرلەردىڭ جۇمساعان شىعىندارى تولىق وتەلۋى ءتيىس. جالعا بەرۋ قۇنى ساۋدا نۇكتەلەرىنىڭ اكىمشىلىك شىعىندارىنا عانا جۇمسالادى, ياعني ايتارلىقتاي كوپ ەمەس.
بۇل باستامانى العاش رەت «اتامەكەن» ۇكپ كوتەرىپ, پيلوتتىق رەجيمدە استانا قالاسىندا وتكىزدى. جوبا ءتيىمدى جۇزەگە اسىرىلعان سوڭ, بارلىق وبلىستارعا, ونىڭ ىشىندە اقتوبەگە دە تاراتىلدى. كاسىپكەرلەر پالاتاسى بيزنەس ورتاعا ءتۇسىندىرۋ جۇمىستارىن جۇرگىزۋدە.
2017-2020 جىلدار ارالىعىندا جوبا بويىنشا 250 جەر تەلىمى بەرىلەدى. «باستاۋلىقتاردى» قۇجاتتاردىڭ ازدىعى مەن جالعا بەرۋ مەرزىمىنىڭ ۇزاقتىعى قىزىقتىردى.
باسقوسۋعا قاتىسقان مەملەكەتتىك كىرىس دەپارتامەنتىنىڭ مامانى جەكە كاسىپكەرلىك پەن جشس رەتىندە تىركەلۋدىڭ شارتتارى تۋرالى ايتىپ, «باستاۋ» تىڭداۋشىلارىنىڭ سالىق تولەۋ, ەسەپ بەرۋ جانە ونلاين-كاسسالىق اپپاراتتاردى قولدانۋ تۋرالى سۇراقتارىنا جاۋاپ بەردى.
ماماندارمەن كەزدەسۋ اقتوبەدەگى «باستاۋ» جوباسىنىڭ تىڭداۋشىلارىنا ارنايى وتكىزىلدى. ايلىق وقۋ كۋرسى وسى اپتانىڭ سوڭىندا اياقتالادى. 26 قاراشا كۇنى ولار ءوز بيزنەس-جوسپارلارىن قورعايدى.
بۇگىنگى كۇنى وبلىستاعى 12 اۋدان بويىنشا 1 902 ادام تەگىن وقىتۋدان ءوتتى. ولاردىڭ 508-ءى ءوز بيزنەس يدەيالارىن ءساتتى قورعاپ شىقتى. ءۇش جۇزدەن اسا اۋىل تۇرعىنى 803 ملن تەڭگە كولەمىندە قارجىلاي قولداۋعا يە بولدى. جىل سوڭىنا دەيىن بارلىعى 2 231 ادامدى وقىتۋ جوسپارلانىپ وتىر.
تەمىر قۇسايىن,
«ەگەمەن قازاقستان»