كوركەم گيمناستيكادان يزرايلدە وتكەن حالىقارالىق تۋرنيرگە قاتىسقان ماڭعىستاۋلىق سپورتشىلاردىڭ بارلىعى جۇلدەمەن ورالدى, دەپ حابارلايدى Sports.kz
يرينا ۆينەردىڭ تۇڭعىش شاكىرتى ۆەنەرا زاريپوۆانىڭ جۇلدەسى ءۇشىن وتكەن كوركەم گيمناستيكا تۋرنيرىنە 10 ەلدىڭ سپورتشىلارى قاتىستى.
ماڭعىستاۋ وبلىسىنان داريا جاكەن (2011 جىلى تۋعان), اياۋلىم قيباسوۆا (2008 ج.ت.) جانە جانسايا جاڭبىرشيەۆا (2007 ج.ت.) قاتىستى.
داريا جەكە باعدارلامادا ەكى التىن مەدال جەڭىپ الدى. جانسايا جاڭبىرشيەۆا جەكە باعدارلامادا ەكى التىن, ءبىر كۇمىس مەدال ەنشىلەدى. اياۋلىم قيباسوۆا جەكە باعدارلامادا ەكى التىن جانە كوپسايىس ساناتىندا ءبىر قولا مەدالدى جەڭىپ الدى.