مەملەكەت باسشىسى نۇرسۇلتان نازارباەۆتىڭ قاتىسۋىمەن «استانا» حالىقارالىق قارجى ورتالىعى بيرجاسىندا ساۋدا-ساتتىقتى ىسكە قوسۋ سالتاناتتى ءراسىمى وتۋدە.
احقو بيرجاسى بيىل «استانا» حالىقارالىق قارجى ورتالىعىن دامىتۋ شەڭبەرىندە قۇرىلعان بولاتىن.
بيرجانىڭ نەگىزگى اكتسيونەرلەرى – احقو, GoldmanSachs, جىبەك جولى قورى, شانحاي قور بيرجاسى جانە NASDAQ امەريكالىق بيرجاسى. سوڭعى اتالعان ەكى بيرجا الەمدەگى ەڭ اۋقىمدى 5 بيرجانىڭ قاتارىنا كىرەدى.
جالپى, احقو بيرجاسىنىڭ الدىنداعى نەگىزگى مىندەت ەل ەكونوميكاسىنىڭ يگىلىگى جولىندا ۇلتتىق نارىققا كىزمەت ەتۋ بولماق. ونىڭ ىشىندە الەمنىڭ ۇزدىك تاجىريبەلەرىنە سايكەس كەلەتىن بيرجا ۇلتتىق كومپانيالاردى جەكەشەلەندىرۋگە ارنالعان الاڭعا اينالۋى ءتيىس. سونىمەن قاتار مەملەكەتتىك جانە كۆازيمەملەكەتتىك سەكتوردىڭ وبليگاتسيالارىن شىعارۋ, جەكە كومپانيالاردىڭ قۇندى قاعازدارىن ورنالاستىرۋ مىندەتى دە وسى بيرجاعا جۇكتەلگەن.
«استانا» حالىقارالىق قارجى ورتالىعىنىڭ قۇقىقتىق مارتەبەسى مەملەكەت باسشىسى 2015 جىلى قول قويعان كونستيتۋتسيالىق زاڭمەن بەكىتىلگەن, ال جۇمىس ءتىلى – اعىلشىن ءتىلى. بۇل قارجى ورتالىعىنىڭ جۇمىسىنا قاتىسۋشىلارعا 50 جىلعا دەيىن سالىقتىق جەڭىلدىكتەر قاراستىرىلعان, سونداي-اق, ولار ءۇشىن جەڭىلدەتىلگەن ۆاليۋتالىق, ۆيزالىق جانە ەڭبەك رەجىمدەرى كوزدەلگەن. بۇل – قىزمەتى اعىلشىن قۇقىعىنا نەگىزدەلگەن وڭىردەگى بىردەن-ءبىر ورتالىق. بۇل ورتالىق نيۋ-يورك, سينگاپۋر, لوندون جانە دۋباي قالالارىنداعى قارجى ورتالىقتارىنىڭ ۇزدىك مودەلى نەگىزىندە جۇمىس جۇرگىزەدى.
بۇگىننىڭ وزىندە احقو-ىندا قىتايدىق دامۋ بانكى سياقتى ونداعان حالىقارالىق ءىرى كومپانيالار تىركەلگەن. سونىمەن قاتار سينگاپۋر, گونكونگ جانە باىس ەۋروپانىڭ حالىقارالىق بروكەرلىك ۇيلەرىنىڭ قىزىعۋشىلىعىن تۋدىرۋدا. دالىرەك ايتقاندا, قازىردىڭ وزىندە گونكونگتاعى ەكى ءىرى بروكەر – China International Capital Corporation جانە Shenwan Hongyuan Securities استانا حالىقارالىق قارجى ورتالىعىنىڭ مۇشەسى مارتەبەسىن يەلەنگەن.
«استانا» حالىقارالىق قارجى ورتالىعىنىڭ «جاسىل», يسلامدىق جانە يننوۆاتسيالىق قارجى قۇرالدارىن دامىتۋدىڭ وڭىرلىك ورتالىعىنا اينالۋعا تولىق مۇمكىندىگى بار.
قازىرگى ۋاقىتتا بۇل قارجى قۇرىلىمىنىڭ ءتيىمدى جۇمىسىن قامتاماسىز ەتۋ ءۇشىن قاجەتتى بارلىق قۇقىقتىق جانە ۇيىمداستىرۋشىلىق بازا جاساقتالعان.
سەرىك ابدىبەك,
«ەگەمەن قازاقستان»