قۇرلىقتىق حوككەي ليگاسىندا (قحل) باق سىناپ جاتقان ەلوردانىڭ «بارىس» كومانداسى ءتۋرنيردىڭ كەزەكتى تۋرىندا سىرت الاڭدا «سيبير» كومانداسىنا قارسى ويناپ, وۆەرتايمدا جەڭىسكە جەتتى.
رەسەيدىڭ ءنوۆوسىبىر قالاسىندا وتكەن ماتچتا «بارىس» 1:2 ەسەبىمەن قارسىلاسىنان باسىم ءتۇستى. ويىننىڭ ءتورتىنشى مينۋتىندا «بارىستىڭ» شۆەتسيالىق ويىنشىسى اندرە پەتەرسسون ەسەپتى اشسا, 16-مينۋتتا داررەن ديتس قارسىلاس قاقپاسىنا ەكىنشى شايبا سوققان بولاتىن, بىراق تورەشىلەر گولدى ەسەپتەمەي قويدى. ەكىنشى كەزەڭنىڭ ورتا تۇسىندا «سيبير» حوككەيشىسى دميتري سايۋستوۆ ەسەپتى تەڭەستىرىپ كەتتى. وسىلايشا, ويىننىڭ نەگىزگى كەزەڭى تەڭ ەسەپپەن اياقتالدى.
جەڭىمپازدى انىقتاۋ ءۇشىن بەرىلگەن قوسىمشا ۋاقىتتا «بارىستىڭ» باعى جاندى. 64-مينۋتتا كەرتيس ۆولك شايبا سوعىپ, ەلوردا كومانداسىنا ماڭىزدى ۇپاي سىيلادى. بۇل جەڭىستەن سوڭ استانا كومانداسى 39 ۇپايمەن قحل-ءدىڭ تۋرنير كەستەسىندە ءۇشىنشى ورىنعا كوتەرىلدى. «بارىس» كەلەسى كەزدەسۋىن 14-قاراشادا استاناداعى «بارىس ارەنا» مۇزايدىنىندا «امۋر» كومانداسىمەن وتكىزەدى.
دايىنداعان الي بيتورە,
«ەگەمەن قازاقستان»