قىزىلوردادا «نۇر وتان» پارتياسىنىڭ ەسەپ بەرۋ-سايلاۋ كونفەرەنتسياسى ءوتتى. وندا پارتيانىڭ وبلىستىق فيليالى ساياسي كەڭەسىنىڭ ەكى جىلدىق جۇمىسى قورىتىندىلانىپ, الداعى جوسپارلارى تالقىلاندى.
قىزىلوردا وبلىسىنىڭ اكىمى, پارتيانىڭ وبلىستىق فيليالىنىڭ توراعاسى ق.كوشەرباەۆ مەملەكەت باسشىسىنىڭ تاپسىرمالارىن جۇزەگە اسىرۋداعى جانە ازاماتتاردىڭ قۇقىقتارى مەن زاڭدى مۇددەلەرىن قورعاۋداعى جەتەكشى پارتيانىڭ ءرولىن ايتىپ ءوتتى.
«نۇر وتان» پارتياسى مىڭداعان قازاقستاندىقتارعا كومەك كورسەتىپ, مەملەكەت باسشىسىنىڭ ناقتى جوبالارى مەن باستامالارىن جۇزەگە اسىرىپ كەلەدى. بۇگىندە وسى ماقساتتا پارتيانىڭ ورتالىق اپپاراتى پارتيا قىزمەتىن جاڭعىرتىپ تسيفرلاندىرۋدى جۇزەگە اسىرۋ, شاعىن جانە ورتا بيزنەستى قولداۋ, سونىمەن قاتار «رۋحاني جاڭعىرۋ» باعدارلاماسىنا ۇلەس قوسۋعا باعىتتالعان 20-دان استام الەۋمەتتىك, ستراتەگيالىق, باستاماشىل جوبالاردى قولعا الدى. بۇل باعىتتا ءبىزدىڭ وبلىستاعى تسيفرلاندىرۋ اياسىندا كاسىپكەرلەرگە قىزمەت كورسەتۋ ورتالىعىنداعى كوممۋنالدىق قىزمەتتەردى قوسۋعا, تەحنيكالىق شارتتاردى بەرۋ بويىنشا گەواقپاراتتىق ونلاين سەرۆيس (geoservice.geoportal.kz) جۇمىسى رەسپۋبليكا بويىنشا ۇلگىلى جوبا رەتىندە اتاپ ءوتىلىپ, ساياسي كەڭەستىڭ كەڭەيتىلگەن وتىرىسىندا ەلباسىنا تانىستىرىلدى, دەدى پارتيانىڭ وبلىستىق فيليالى توراعاسىنىڭ ءبىرىنشى ورىنباسارى يبادۋللا قۇتتىقوجاەۆ.
باقتيار تايجان,
«ەگەمەن قازاقستان»
قىزىلوردا وبلىسى