بيىك بەلەستەردى باعىندىرۋعا مۇمكىندىگىمىز مول

ەكو­نومي­كالىق نەگىزى مىعىم ەلگە تۇراق­تى­لىقپەن بىرگە دامۋعا ىقپال تۋعى­زاتىن جاعداي جاساۋ قازىر باستى ماقساتىمىز بولىپ وتىر. اۋقىمدى وزگەرىستەردىڭ قار­­قىنىن تومەندەتپەۋ ءۇشىن بيلىك تارماقتارىنىڭ وكىلەت­تىك­تەرىن قايتا ءبولۋ بويىنشا ەلباسىنىڭ باستاماسىمەن كونس­ت­يتۋتسياعا جانە زاڭدارعا وڭتاي­لى وزگەرىس­تەر ەنگىزىلگەن بولا­­تىن. ساياسي رەفور­ما­نىڭ ناتي­­جەسىندە ۇكىمەت­كە, مي­نيستر­ل­ىكتەرگە جانە اكىم­دىك­تەر­گە الەۋمەتتىك-ەكونوميكالىق ۇر­­دىس­تەردى رەتتەۋدەگى ءبىرشاما وكى­­لەت­تىكتەر بەرىلگەننەن كەيىن بي­­لىك­تىڭ اتقارۋشى تارماعىنىڭ شەشىم قابىلداۋ جىلدامدىعى مەن جاۋاپكەرشىلىگى ارتا ءتۇستى. وسى ورايدا مەملەكەتتىك اپپا­رات­­تىڭ كاسىبيلىگىن ارتتىرۋ ما­ڭىز­­دىلىعى الدىڭعى قاتارعا شىقتى.

«مەملەكەتتىك قىزمەتتىڭ جاع­دايى تۋرالى» ۇلتتىق باياندامادا كورسەتىلگەندەي, قازاق­ستاننىڭ مەملەكەتتىك قىزمەتى رەفورماسىنىڭ ناتيجەسىندە ترانسپارەنتتى جانە ەسەپ بەرەتىن مەملەكەت قالىپتاسىپ, كاسىبي مەملەكەتتىك اپپارات قۇرىلدى, قۇقىق ۇستەمدىگى مەن جازانىڭ بۇل­تارتپاستىعى قامتاماسىز ەتىل­دى. كاسىبي مەملەكەتتىك اپپارات­تى قۇرۋ ءۇشىن مەملەكەتتىك قىز­مەت مەريتوكراتيا, پراگماتيزم جانە ادالدىققا سۇيەنگەن مان­­­ساپتىق مودەلگە كوشىرىلدى. مەم­ل­ەكەت­تىك قىزمەتكە كاسىبيلىگى جو­عارى مامانداردى تارتۋ جانە جۇمىس ىستەپ جۇرگەن مەم­لە­كەت­­تىك قىزمەتشىلەردىڭ ۋاج­دە­­مە­سىن ارتتىرۋ ماقساتىندا جا­ڭا ەڭبەكاقى تولەۋ جۇيەسى قول­دانا باستادى, ونىڭ العاشقى وڭ نا­تي­جەلەرىن ەلباسى ءوز باياندا­ماسىندا اتاپ ءوتتى. ايتا كەتەتىن جايت, ەڭبەكاقىنىڭ 2-2,5 ەسە ءوسۋى مەملەكەتتىك ورگاننىڭ ءوز بيۋد­جەتى ەسەبىنەن جۇرگىزىلىپ جاتىر. ياعني ول قوسىمشا قارجىعا سۇيەن­بەي, ىشكى رەزەرۆتەردىڭ نە­گى­زىندە جۇرگىزىلەدى. مىسالى, مەم­قىز­مەتشىلەردىڭ فۋنكتسيونال­دى مىندەتتەرىن قايتا قاراۋ نەگىزىندە شتاتتىق كەستەنى وڭتاي­لاندىرۋ, مەملەكەتتىك ورگانعا ءتان ەمەس جۇ­مىستاردى نارىققا بەرۋ ءۇر­دى­­سىن جالعاستىرۋ, مەملەكەتتىك ور­­گان­نىڭ قاراماعىنداعى مەكە­مەلەردى قىسقارتۋ نەمەسە نارىققا بەرۋ, باسشىنىڭ قارا­ماعىندا كە­مىندە 10 قىزمەتشىدەن از بولماۋ, بار ۆاكانسيالاردى قىسقارتۋ جانە تاعى باسقالارى.

مەملەكەتتىك قىزمەت ىستەرى جانە سىبايلاس جەمقورلىققا قار­­سى ءىس-قيمىل اگەنتتىگى وزىنە فۋنك­­تسيونالدى تالداۋ جۇرگىز­گەن­نەن كەيىن ارتىق قۇرىلىمدار جا­نە باسشىلىق لاۋازىمداردىڭ قىس­قارتىلۋى ەسەبىنەن قىزمەت­كەرلەر جالاقىسىن 2-2,5 ەسەگە دەيىن كوتەرۋگە مۇمكىندىك الدى. تسيفرلاندىرۋ نەگىزىندەگى كادر­لاردى باسقارۋ, مەملەكەتتىك ساتىپ الۋ, قۇقىقتىق قىزمەتتەر ورتا­­لىقتاندىرىلىپ, كەلەشەكتە 4600 قىزمەتكەر قىسقارىپ,  جىلىنا 5,5 ملرد تەڭگە ۇنەمدەلەدى دەپ كۇتىلىپ وتىر. قازىردىڭ وزىن­دە مەملەكەتتىك ورگاندار ءوز جۇمىس­تارىنا باعا بەرىپ, ناتيجەلىلى­گى تومەن ۇردىستەردەن جانە تيىمدىلىگى تومەن ماتەريالدىق رەسۋرستاردان باس تارتۋ جولدارىن انىقتاپ العانى ءجون. جەرگىلىكتى جەرلەردە مەم­لەكەتتىك نەمەسە جەرگىلىكتى بيۋد­جەتتەن قارجىلاناتىن جىل­جى­مايتىن م ۇلىك سانى كوپ, ون­دا جۇمىس ىستەپ جاتقان قىز­مەت­­كەرلەردى ءبىر عيماراتقا جاي­عاس­تىرۋدىڭ ءوزى كوپ قارجىنى ۇنەم­دەيتىنى انىق. 

ەلباسى جولداۋدا مەملەكەتتىك ورگاندار قىزمەتىنىڭ تيىمدىلى­گىن تۇبەگەيلى ارتتىرۋ كەرەكتىگىن ناق­تىلاپ ايتتى. مەملەكەت پەن قوعام اراسىنداعى الشاقتىقتىڭ قىس­قارۋى مەمقىزمەتشىلەردىڭ حالىققا ساپالى قىزمەت كور­سەتۋى­نىڭ بىردەن-ءبىر كورسەتكىشى ەكەنىن ەسكەرتتى. مۇنى اشىقتىق نەگىزىندە كەرى بايلانىس ورناتىپ, حالىقتىڭ ماسەلەلەرىن دەر كەزىندە جانە ساپالى تۇردە شەشۋ, مەملەكەتىمىزدى كوركەيتۋ دەپ ءتۇسىنۋ كەرەك.

ستراتەگيالىق مەملەكەتتىك قىز­­مەتتى قۇرۋ جولىندا قازاق­ستان پرەزيدەنتى جانىنداعى مەم­لەكەتتىك باسقارۋ اكادەمياسى ۋاكىلەتتى ورگانمەن بىرلەسىپ ءبىر­­شاما جۇمىستار اتقارىپ كەلە­دى. اتاپ ايتقاندا: تاجىريبەگە باع­دارلانعان وقۋ باعدارلامالارى بەكى­تىلىپ, مەملەكەتتىك قىزمەتشى­لەر­دىڭ قۇزىرەتتىلىگىن ارتتىرۋعا باعىتتالعان پاندەر ەنگىزىلدى, شەتەل ۋنيۆەرسيتەتتەرىن بىتىر­گەن  جانە مەم­لەكەتتىك قىزمەتتە كوپ جىل­عى ەڭبەك ءوتىلى بار, ءۇش ءتىل­دى ەركىن مەڭگەرگەن مامان­دار ءدا­رىس بەرۋگە تارتىلا باستا­دى, اكادە­ميا «تسيفرلى قازاقستان» باع­­دار­لاماسىنا ەنگەن جالعىز جوعا­رى وقۋ ورنى بولىپ ماتە­ريال­دىق-رەسۋرستىق بازاسىن جا­ڭارتتى, وقۋعا قابىلداۋ ءۇر­دىسى مەم­لەكەتتىك ورگاندار مەن مەم­لەكەتتىك قىزمەتشىلەردىڭ سۇرا­نى­سىنا بەيىمدەلىپ, اشىقتىق قاعي­داتىنا نەگىزدەلىپ جۇرگىزىلدى, اكادەميانىڭ ءبىلىم بەرۋ جۇيەسى وبلىس ورتالىقتارىندا جاڭادان بوي كوتەرگەن فيليالدارعا تاراتىلىپ, ايماقتارداعى ءبىلىم بەرۋ ساپاسى جوعارىلاتىلدى. ەلباسىنىڭ مەملەكەتتىك باسقارۋ اكادەمياسىندا نازارباەۆ ۋنيۆەرسيتەتپەن بىرلەسىپ, «جاڭا فورماتسيانىڭ باسشىسى» ارنايى قايتا دايارلاۋ وقۋ باعدارلاماسىن جۇرگىزۋ تۋرالى تاپسىرماسى ۋاقتىلى جانە ساپالى تۇردە ورىندالادى.

پرەزيدەنتتىڭ مەملەكەتتىك قىز­مەتشىلەرگە جاساپ جاتقان الەۋ­مەتتىك, ەكونوميكالىق قول­داۋ­­لارى نەگىزىندە جاڭا بەلەستەردى باعىندىرۋعا بىزدە تولىق مۇم­كىندىك بار.

ەرلان ءابىل, 

قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ باسقارۋ ينستيتۋتىنىڭ ديرەكتورى