قايىرىمدىلىق كەشىنەن تۇسكەن 2 ميلليونعا جۋىق قاراجات «اتىراۋ. مالەنكايا سترانا» قوعامدىق بىرلەستىگىنە تابىستالدى, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
تۇڭعىش رەت اتىراۋ قالاسىندا جاستار ساياساتى ماسەلەلەرى باسقارماسىنىڭ قولداۋىمەن, «جاستار تاڭداۋى – اتىراۋ» قب ۇيىمداستىرۋىمەن قايىرىمدىلىق بالى جوعارعى دەڭگەيدە ءوتتى.
- ەلباسىمىزدىڭ رۋحاني جاڭعىرۋ باعدارلاماسى اياسىندا ۇيىمداستىرىلعان وسىناۋ شارانىڭ نەگىزگى ماقساتى - اتىراۋ جاستارىنىڭ ءوڭىرىمىزدىڭ جاستارىنىڭ مادەنيەتكە دەگەن, ونەرگە دەگەن قۇلشىنىسىن ارتتىرۋ بولسا, ەكىنشى ماقساتى - جاقسىلىق جاساۋ ارقىلى جاقسىلىق جاساعان ادام مەن مۇقتاج ادامداردىڭ جۇرەكتەرىنە جاقسىلىق جىلۋىن ۇيالاتۋ. بارلىقتارىڭىزدىڭ ءبىراۋىزدان قولداپ كەلگەندەرىڭىز ءۇشىن العىس بىلدىرەمىز, - دەدى ءوز سوزىندە وبلىستىق جاستار ماسەلەلەرى باسقارماسىنىڭ باسشىسى روللان قۇسپان.
«1st Grand Ball Atyrau» قايىرىمدىلىق بالىنا قاتىسقان 18-29 ارالىعىنداعى 150 جاس دەبيۋتانت ءبىر اي كولەمىندە پولونەز, كادريل, پولكا, كازاق ءۆالسى بيلەرىن ۇيرەنىپ, بالدا ءوز ونەرلەرىن كورسەتتى.
سونداي – اق, بال دەبيۋتانتتارى جانە ەسترادا جۇلدىزدارى بىرقاتار قايىرىمدىلىق شارالاردى جۇزەگە اسىردى. اتاپ ايتساق, «شاڭىراق» بالالار ءۇيى جانە قارتتار ۇيىندە كونتسەرتتىك باعدارلامالارىن ۇسىنىپ, «جۇرەكتەن جۇرەككە» قايىرىمدىلىق اكتسياسى اياسىندا 100 وتباسىعا كومەك كورسەتتى.
ۇيىمداستىرۋشىلار قايىرىمدىلىق گراند بالىنان جينالعان 2 ميلليونعا جۋىق قاراجاتتى تولىقتاي ەرلان كۇمىسقاليەۆتىڭ «اتىراۋ. مالەنكايا سترانا» قوعامدىق بىرلەستىگىنە تابىستادى.
- ءبىزدىڭ ماقساتىمىز - شاعىن مەملەكەتىمىزدەگى بالالارىمىزدى ۇلكەن مەملەكەتكە جەتكىزۋ. بالدان تۇسكەن قاراجاتتى الەمدەگى ءۇشىنشى ەرەكشە بالالارعا ارنالعان قالاشىق اشۋعا جۇمساماقپىن. مۇنداي قالاشىق ۇلىبريتانيا جانە رەسەي مەملەكەتتەرىندە بار. ءۇشىنشىسىن, قازاقستانىمىزدا, اتىراۋ قالاسىندا كەلەر جىلى كوكتەمدە اشۋ جوسپارلانۋدا. شارانى ۇيىمداستىرعان الپامىس شاريموۆ باستاعان ۇجىمعا, سونداي-اق وسى شاراعا ات سالىسىپ, ونەرلەرىن كورسەتىپ, قايىرىمدىلىق جاساعان بارشا جانعا العىسىم شەكسىز,- دەيدى قوعامدىق قور جەتەكشىسى ەرلان كۇمىسقاليەۆ.
ايتا كەتەيىك, دەبيۋتانتتار اراسىندا كەشتىڭ حانزاداسى مەن حانشايىمى انىقتالىپ, ولار استانادا وتەتىن رەسپۋبليكالىق VIII گراند بالعا جولداما الدى.