الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسى الماتى قالاسىندا تىركەلگەن ءارى از قامتىلعان وتباسىلاردى الەۋمەتتىك قورعاۋ ماقساتىندا كورسەتىلەتىن كومەك تۇرلەرى جايىندا كەڭىنەن ماعۇلمات الىپ, دەر كەزىندە حاباردار بولىپ وتىرۋعا شاقىرادى.
وسى ورايدا الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسى باسشىنىڭ ورىنباسارى اينۇر مۇقاجانوۆا كورسەتىلەتىن 14 كومەك تۇرىنە توقتالىپ, باسقارما تاراپىنان اتقارىلىپ وتىرعان بىرقاتار شارالارعا اتاپ ءوتتى.
مەملەكەت باسشىسىنىڭ «بەس ينستيتۋتسيونالدىق رەفورمانى جۇزەگە اسىرۋ بويىنشا 100 ناقتى قادام» تاپسىرماسىنا سايكەس اعىمداعى جىلدىڭ 1 قاڭتارىنان باستاپ مەملەكەتتىك اتاۋلى الەۋمەتتىك كومەك – جاڭا نۇسقادا كورسەتىلەدى.
جان باسىنا شاققانداعى ورتاشا تابىسى كەدەيلىك شەگىنەن اسپايتىن (الماتى قالاسى بويىنشا 15 919 تەڭگەنى قۇرايدى) ازاماتتارعا جاڭا نىسانداعى ااك كورسەتىلەدى. كەدەيلىك شەگى ەڭ تومەنگى كۇنكورىس دەڭگەيىنىڭ 50 پايىزىن قۇرايدى جانە ءار توقسانعا ەسەپتەلەدى. بيىلعى جىلدىڭ IV توقسانىنا كۇنكورىس دەڭگەيىنىڭ كولەمى 31 838 تەڭگەنى قۇرايدى.
ااك شارتسىز جانە شارتتى اقشالاي ەكى ءتۇرى قاراستىرىلعان.
ااك-ءتى تاعايىنداۋ ءۇشىن الماتى قالالىق حالىقتى جۇمىسپەن قامتۋ ورتالىعىنا بارىپ ءوتىنىش ءبىلدىرۋ قاجەت. مۇندا ءوتىنىش بىلدىرۋشىگە تۇسىنىكتەمە بەرىپ, قاجەت بولعان جاعدايدا الەۋمەتتىك بەيىمدەۋ شارالارىن ۇسىنادى.
ااك-ءتى رەسىمدەۋ ءۇشىن ءوتىنىش بەرۋشى بەلگىلەنگەن ۇلگىدە ءوتىنىش بەرەدى جانە مىناداي قۇجاتتاردى تىركەۋى قاجەت:
وتباسى قۇرامى تۋرالى مالىمەتتەر;
ادامنىڭ ء(وتىنىش بەرۋشىنىڭ وتباسى مۇشەلەرىنىڭ) تاپقان تابىسى تۋرالى مالىمەتتەر;
جەكە قوسالقى شارۋاشىلىعىنىڭ بار-جوعى تۋرالى مالىمەتتەر;
جۇمىسپەن قامتۋعا جاردەمدەسۋدىڭ بەلسەندى شارالارىنا قاتىسقان جاعدايدا, الەۋمەتتىك كەلىسىمشارتتىڭ كوشىرمەسى;
ءوتىنىش بەرۋشىنىڭ (وتباسى مۇشەلەرىنىڭ) تۇرعىلىقتى جەرى بويىنشا تىركەلگەنىن راستايتىن قۇجاتتىڭ كوشىرمەسى.
اعىمداعى جىلدىڭ 9 ايىندا 491 وتباسىنا (2 387 ادامعا) 100 ملن تەڭگە مولشەرىندە ااك تاعايىندالعان. ونىڭ ىشىندەگى 54 جۇمىسسىزدىڭ 50-ءى تۇراقتى جانە ۋاقىتشا جۇمىس ورىندارىنا, 4-ءۋى كاسىپتىك وقىتۋ كۋرستارىنا جىبەرىلدى.
ااك باعدارلاماسى شەگىندە از قامتىلعان ازاماتتارعا اتاۋلى الەۋمەتتىك كومەك الۋ مۇمكىندىگى, جۇمىسقا ورنالاستىرۋ ماقساتىندا تەگىن كاسىپتىك وقىتۋ مەن قايتا وقىتۋ جانە بيزنەس-جوبالارىن جۇرگىزىپ جۇرگەن نەمەسە جوسپارلاپ جۇرگەن جۇمىسسىزدار ءۇشىن شاعىن نەسيە الۋ مۇمكىندىگى بار.
ااك-ءتىڭ وسىنداي قولداۋ تۇرلەرى از قامتىلعان وتباسىلارعا ماتەريالدىق جاعدايلارىن جاقسارتۋعا ىقپال ەتەدى, ونىڭ ناتيجەسىندە وتباسىنىڭ تابىسى تۇراقتالادى, ەڭبەك نارىعىندا بەيىمدەلۋ مۇمكىندىگى پايدا بولادى.
الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ الەۋمەتتىك تولەمدەر ءبولىمىنىڭ باس مامانى مۇراتبەك سەيناسينوۆتىڭ ايتۋىنشا, قالا تۇرعىندارىن تسيفرلىك ەفيرلىك تەلەراديو حابارلارىن تاراتۋعا تولىق كوشىرۋ ماقساتىندا تسيفرلىق تەلەراديو سيگنالىن قابىلداۋ مۇمكىندىگىمەن قامتاماسىز ەتۋگە وراي ماقساتىندا قر ۇكىمەتىنىڭ 2016 جىلعى 8 قاراشاداعى №677 قاۋلىسىنا سايكەس تەلەۆيزيالىق ابونەنتتىك جالعامالارمەن قامتاماسىز ەتۋ (جەتكىزۋ جانە ورناتۋ) كەرەكتىگى ايتىلعان. جالعامالارمەن قامتاماسىز ەتۋ بىرجولعى بولىپ تابىلادى ءارى بىرگە تۇراتىن وتباسىنىڭ باسقا مۇشەلەرىنە بەرىلمەيدى.
بۇگىنگى تاڭدا, اتاۋلى الەۋمەتتىك كومەك 491 وتباسىنا تاعايىندالعان, ونىڭ ىشىندە 133-ىنە جالعامالار ورناتىلعان.
جالعامالاردى الۋ ءۇشىن تىركەلگەن تۇرعىلىقتى مەكەن-جايى بويىنشا الماتى قالالىق جۇمىسپەن قامتۋ جانە الەۋمەتتىك باعدارلامالار باسقارماسىنىڭ اۋداندىق بولىمدەرىنە كەلەسى مەكەن-جايلارعا ءوتىنىش بىلدىرۋگە بولادى.
الاتاۋ اۋدانى: شاڭىراق 2-ىقشاماۋدانى, جانقوجا باتىر كوشەسى, 26 ءۇي, تەل.: 3953605;
المالى اۋدانى: سەيفۋللين داڭعىلى, 577, تەل.:261-02-81;
اۋەزوۆ اۋدانى: 3-ىقشاماۋدان, اباي داڭعىلى, 41-ا, تەل.: 276-49-92;
بوستاندىق اۋدانى: جاندوسوۆ كوشەسى, 2 ءۇي, تەل.: 392-22-95;
جەتىسۋ اۋدانى: ماقاتاەۆ كوشەسى, 142 ءۇي, تەل.:279-37-72;
مەدەۋ اۋدانى: تولە بي كوشەسى, 12 ءۇي, تەل.: 291-06-65;
ناۋرىزباي اۋدانى: قالقامان ىقشاماۋدانى, 24 ءۇي, تەل.: 383-55-82;
تۇركسىب اۋدانى: ريحارد زورگە كوشەسى, 18 ءۇي, تەل.: 234-93-15.
ەلۆيرا سەرىكقىزى,
«ەگەمەن قازاقستان»
الماتى