ەندى تالدىقورعاندا الەمنىڭ وزىق ساۋلەت ۇلگىسى بويىنشا سالىنعان سۋ جاڭا تەاتر عيماراتى بار. وسىدان ەكى جىلدان ءسال اساتىن مەرزىم بۇرىن كەزەكتى تەاتر ماۋسىمىنىڭ اشىلۋىنا وراي قازىعى قاعىلىپ, ىرگەتاسى قۇيىلعان ونەر ورداسى پايدالانۋعا بەرىلىپ, كورەرمەنگە ەسىك اشتى.
تەاتر عيماراتىنىڭ لەنتاسى «قازاقستان – ەۋرازيا جۇرەگى» اتتى ورتالىق ازيا ەلدەرىنىڭ VII حالىقارالىق تەاتر فەستيۆالىنىڭ اشىلۋىنا وراي قيىلدى. بيىل بۇل ونەر دوداسى تەمىربەك جۇرگەنوۆتىڭ تۋعانىنا 120 جىل تولۋى قۇرمەتىنە وتكىزىلىپ وتىر.
جالپى, ەلىمىز بويىنشا ەڭ قىسقا مەرزىم ىشىندە سالىنعان تەاتر عيماراتى 510 ورىنعا لايىقتالعان. باعزى ەۋروپالىق ساۋلەت پەن تامىرى تەرەڭ قازاقى مادەنيەتتىڭ سيپاتتارىن قازىرگى زامانعى وزىق تاسىلدەرمەن بادىزدەي ورگەن تەاتر ءۇيى 2 قباتتان تۇرادى. اۋماعى 10538 شارشى مەتر. قازىر جاڭا عيماراتقا بيكەن ريموۆا اتىنداعى تالدىقورعان تەاترى كوشىپ, قونىستانىپ ۇلگەردى. كەشە تەاتر ساحناسىنىڭ تۇساۋى م.اۋەزوۆتىڭ «ايمان-شولپان» مۋزىكالى دراماسىمەن كەسىلدى. سپەكتاكلدى قازاقتىڭ دارىندى رەجيسسەرى نۇرعانات جاقىپباي ساحنالادى.
قالماحانبەت مۇقامەتقالي,
«ەگەمەن قازاقستان»
الماتى وبلىسى