قازاقستان قور بيرجاسىندا (KASE) سارسەنبى كۇنگى ساۋدا-ساتتىقتىڭ تاڭەرتەڭگىلىك سەسسياسىندا تەڭگەنىڭ اقش دوللارىنا شاققانداعى ورتاشا باعامى ت+1 (USDKZT_TOM, كەلىسىم اياقتالعاننان كەيىن كەلەسى كۇنگى ەسەبىمەن) 368,38 تەڭگەنى قۇرادى, دەپ حابارلايدى KASE.
دۇيسەنبى كۇنگى ساۋدا-ساتتىقپەن سالىستىرعاندا, شەتەل ۆاليۋتاسىنىڭ باعامى 0,05 تەڭگەگە تومەندەگەن. سەسسيا بارىسىندا ەڭ تومەنگى كۋرس 1 دوللارعا - 367,9 تەڭگە, ال ەڭ جوعارعىسى 368,88 تەڭگە بولعان. ساۋدا كولەمى 17 ملن دوللاردى قۇرادى.
دۇيسەنبى كۇنى دوللاردىڭ ت+1 ەسەبىمەن ورتاشا باعامى تاڭعى سەسسيا قورىتىندىسى بويىنشا 1 دوللارعا 368,43 تەڭگەنى, كۇندىزگى سەسسيادا 368,64 تەڭگەنى, ەكى سەسسيانىڭ قورىتىندىسى بويىنشا 368,55 تەڭگەنى قۇراعان بولاتىن. ساۋدانىڭ جالپى كولەمى 70,15 ملن دوللار بولدى.