مەيىربيكەلەر – مەديتسينانىڭ ەڭ ۇلكەن اسكەرى

ال دەرتتى سابيلەرى بار اتا-انا­لارعا دەمەۋ كورسەتىپ جۇرگەن تولقىن قالىقوۆا – پەدياتريا ورتا­­لىعىنىڭ نەوناتولوگيا جانە جاڭا تۋىلعان نارەستەلەر حيرۋرگياسى بولىمشەسىنىڭ اعا مەيىربيكەسى. بۇل بولىمشەدە كۇردەلى وتالار جاسالىپ, شا­لا تۋىلعان, وڭەش اقاۋى, ىش­كى قۇرىلىستارى, ءتۋابىتتى ىسىك, ىشەك اترەزياسى, وكپە, بۇي­رەك ىسىكتەرى سياقتى باسقا دا ءتۋا­بىتتى اقاۋلارمەن دۇنيەگە كەلگەن بالالار ەم الادى.

تولقىن 25 جىل بۇرىن نەو­نا­تولوگيا جانە جاڭا تۋىل­عان نارەستەلەر حيرۋرگياسى بولىمىنە كەزەكشى مەيىربيكە رەتىندە كەلسە, مەديتسينا­ ماي­­تالماندارىمەن بىرگە شىڭ­دالىپ, 13 جىلدان بەرى اعا مەيىربيكە قىزمەتىن اتقارىپ كەلەدى. 

– جالپى, اۋرۋحانا ءىسىنىڭ وڭايى جوعى بەلگىلى. دەگەنمەن نەوناتولوگيانىڭ كوتەرەر جۇگى ەكى ەسە اۋىر. ويتكەنى بۇل جەرگە جاڭا تۋعان نارەستەلەر عانا تۇسەدى. ءبىزدىڭ قارايتىن بالالارىمىز 2 ايلىق, جاڭا تۋعاندار مەن شالا تۋىلعان, سالماعى 650 گرامنان ءسال جوعارى سابي­لەر. بولىمدە 10 مەيىربيكە قىز­مەت ىستەيدى. ءبارى ءوز ءىسىن جاق­سى كورەتىن, ءوز ىسىنە ادال ماماندار. مەن دە ءوز ءىسىمدى جاق­سى كورگەندىكتەن, ەش وكىنگەن ەمەس­پىن. جانە باسقا سالادا ءوزىمدى ەلەستەتە دە المايمىن. بارىن سالىپ, جاۋاپكەرشىلىگى جو­عارى قىزمەتتى ارقالاپ جۇر­گەن ارىپتەستەرىمنىڭ, ءبو­لىم مەد­­بيكەلەرى مەن تازالىقشى­لا­رىنىڭ ەڭبەگى وراسان, – دەيدى تولقىن. 

پەدياتريا ورتالىعىنا ناۋ­­­قاس بالالار رەسپۋبليكانىڭ ءار تۇكپىرىنەن پورتال ارقىلى قا­بىلدانادى. كوبىنەسە نا­رەس­­­تەلەر الماتى وبلىسى مەن اۋداندارىنداعى پەر­زەنت­حا­نالاردان تۇسەدى. بولىم­شەدە 2 پوست جۇمىس ىستەيدى. 1 پوست – «ينتەنسيۆتى تەراپيادا» كيۋ­ۆەز­دەگى نارەستەلەر مەيىر­بيكەنىڭ تىكە­­لەي قاراۋىندا بولادى. مۇن­داي جاعدايدا مەدبيكەلەر ساقشى سياقتى تاۋلىك بويى نا­رەستەلەردىڭ جانىندا بولادى. ولار كەز كەلگەن ساتتە العاشقى كو­مەككە دايىن بولۋ كەرەك. 

نەوناتولوگيا جانە جاڭا تۋىل­عان نارەستەلەر حيرۋرگيا­سى بولىمىندە 300-دەن استام نا­­رەستە ەم الادى. مۇنداي جاع­­دايدا اعا مەيىربيكەنىڭ مىن­­دەتىنە مەدبيكەلەر مەن تا­زا­ل­ىقشىلاردىڭ قىزمەتىن رەت­­تەۋ, جۇمىس كەستەسى مەن ءتار­­تى­بىن قاداعالاۋ, قول استىن­داعى قىزمەتكەرلەردى نارەس­تەلەردى كۇتىپ-باپتاۋعا ۇي­رە­تۋ كىرەدى. سونىمەن قاتار ءبو­لىم قۇجاتتارىمەن اينالىسۋ, جۇمىس ساپاسىن ارتتى­رۋ, شا­رۋاشىلىق ءبولىمدى قادا­عالاۋ, دارىگەردىڭ نۇسقاۋ­لارىن ساپالى ورىنداۋ مەن قاجەتتى دا­­­رىلەرگە ۇسىنىس بەرىپ, ونى مەيىربيكەلەرگە ۋاقتىلى ءبولىپ وتىرۋ دا اعا مەيىربيكەنىڭ قۇ­زى­رەتىندەگى ءىس.

– سابيلەرى تەز ساۋىعىپ كەت­­سە, اتا-انالارىمەن قوسىلا قۋانامىز. ءتىپتى كىشكەنتاي نارەس­تەلەرگە ريزا بولاسىڭ. تي­­تىمدەي بولىپ, نە دەگەن مىق­تى­لىق, اۋىر وتالاردى جەڭ­دى دەپ قۋاناتىن كەزدەرىمىز بىز­گە قۋات بەرىپ, ءومىرىمىزدىڭ ءما­­­نىن ارتتىرادى. جۇمىسقا بە­رى­لىپ كەتەتىنىڭ سونشا, شار­شاعانىڭدى كەشكىلىك ۇيگە جەتكەندە عانا بىلەسىڭ. ءسابي دەگەن ۇلكەن باقىت قوي! ال حالىق تا اينا سەكىلدى, ءوز كاسىبىڭە ادال بولىپ, تىنىمسىز تەر توگىپ جۇر­سەڭ, ونى كوپشىلىك ايتىپ جۇرەدى. ەڭبەگىمىزگە ءدان ريزا اتا-انالار سانى شەكسىز. وعان ءبىزدىڭ بولىمشەدەگى توم-توم بولىپ تۇرعان تىلەك كىتاپشاسىنا جازىلعان جازبالار كۋا, – دەي­دى كوزدەرى مەيىرىم شاشقان تول­قىن. 

اقيقاتىندا دەرتتى سابيلەرى بار اتا-انالاردىڭ جانىنا جالاۋ بولىپ, بالالارىنىڭ ءومىر سۇرۋدەن ءۇمىتىن ۇزدىرمەۋ ءۇشىن مەيىربيكەلەردىڭ دە اتقاراتىن مىندەتى وراسان. 

– مەيىربيكەلەر بۇگىنگى تاڭ­­دا تەك ەمدەلۋشىنىڭ كۇتى­مىن ۇيىمداستىرۋشى, ەمدەلۋ­شىنىڭ كۇتىمىن ورىنداۋشى,­ ەمدەلۋ­شىنىڭ ىقىلاسىن قورعاۋشى عا­نا ەمەس, جىلى سوزبەن پسي­حولوگيالىق كومەك بەرۋشى دە.­ بىزگە كوبىنەسە جاڭادان, ال­عاش رەت بوسانعان انالار نارەس­تەلەرىمەن تۇسەدى. ءوزى اۋىر بو­سان­عان, وعان قوسا بالاسى كۇر­دەلى دياگنوزبەن دۇنيەگە كەلسە اناسى ءۇشىن ەكى ەسە سوققى ەكە­نى ايان. سوندىقتان الدىمەن اناسىن سابىرعا شاقىرىپ, ءۇمىت سىيلايمىز. وسىنداي جاع­دايلاردا شىدامدىلىق تانىتىپ, ءار ناۋقاستىڭ كوڭىلىن تا­بۋعا بارىمىزدى سالامىز. ەگەر ءتىپتى, ءبىزدىڭ ءسوزىمىز وتپەسە, ور­تالىق پسيحولوگتارىن ارنايى شاقىرتامىز. 

بۇل دۇنيەدە ەڭ قىمبات نار­سە – ءومىر, ال بالانىڭ ءومىرى ەڭ اسىلى. ءار اكە-شەشە ءۇشىن بۇل­دىرشىندەرىنىڭ جۇزىنەن ­اۋرۋى ­جانىنا باتقانىن كورۋدەن قيىن ءسات جوق. تاعدىردىڭ اۋىر سىناعىنا ۇشىراعان, ۇيقىسىز تۇندەر كەشكەن, مازاسى كەتكەن اتا-انالارعا كومەك كورسەتۋ مۇن­داعى پەدياتر-دارىگەرلەردىڭ مىن­دەتى. ءار اتا-انا بار بايلىعىن سەنىپ تاپسىراتىندىقتان, ءبىز­دىڭ قىزمەت ەڭ جۇگى اۋىر جاۋاپ­كەرشىلىكتى ءىس, دەيدى شيرەك عا­سىر­دان بەرى ۇزدىكسىز ەڭبەك ەتكەن مەدبيكە.

دەرتتى جاندارمەن جۇمىس ىس­تەي­تىندىكتەن, مەيىربيكەلەرگە ەڭ باستىسى جاناشىرلىق, ەپتىلىك, جاۋاپكەرشىلىك, جىلى ءجۇز قا­جەت. ءار مەيىربيكە كىشكەنتاي بالا­لارعا كۇتىم جاساۋدى بەس ساۋ­ساعىنداي ءبىلۋى ءتيىس, ءبىلىمدى, سابىر­لى, جاۋاپتى بولۋى قا­جەت. ويتكەنى, دارىگەر ەمىنىڭ نا­تيجەلى بولۋى مەدبيكەنىڭ ەم-دومدى ۋاقتىلى كورسەتىپ, ءوز مىن­دەتىن مۇلتىكسىز اتقارۋىنا تىكەلەي بايلانىستى. ناۋقاستىڭ دەنساۋلىعىنا دارىگەردەن كەم جاۋاپ بەرمەيتىن دە مەيىربيكە. بۇل جۇمىستا بوساڭسۋعا, ىسىڭە سالعىرت قاراۋعا بولمايدى. سوندىقتان ءاردايىم جاۋىنگەر سياقتى بابىڭدا بولۋىڭ شارت, دەپ قوشتاستى تاجىريبەلى مامان. 

ارينە, 25 جىل دەگەن از ۋا­قىت ەمەس. وسى ارالىقتا ارىپتەستە­رىنىڭ شىنايى قوشەمەتىنە يە بولعان تولقىن مىرزاقىزى دەن­ساۋلىق ساقتاۋ سالاسىنا سىڭىرگەن ايرىقشا ەڭبەگى ءۇشىن تالاي مار­تە ماراپاتتالدى. الايدا مەيىر­بيكە ءۇشىن ماراپاتتىڭ ۇلكەنى – اتا-انالاردىڭ رياسىز العىسى.

ايناش ەسالي,

«ەگەمەن قازاقستان»

الماتى