قازاقستاندىق تەننيسشى ميحايل كۋكۋشكين الەمدىك رەيتينگتە 71-ءىنشى ساتىدان 54-ءىنشى ورىنعا كوتەرىلدى.
م.كۋكۋشكين بۇل كورسەتكىشكە جەكسەنبى كۇنى مارەگە جەتكەن ۆەنا تۋرنيرىندە تابىستى ونەر كورسەتۋى ناتيجەسىندە قول جەتكىزدى. ايەلدەر اراسىنداعى رەيتينگتە يۋليا پۋتينتسەۆا بۇرىنعىشا 45-ءىنشى, زارينا دياس 90-ىنشى ورىندا كەلەدى.
ميحايل كۋكۋشكين وسى اپتادا تاعى ءبىر ءىرى تۋرنيرگە قاتىسادى. جۇلدە قورى 5 ملن اقش دوللارىنا جۋىقتايتىن پاريج ءتۋرنيرىنىڭ العاشقى اينالىمىندا قازاقستاندىق سپورتشى الەمنىڭ 57-ءىنشى راكەتكاسى, فرانتسيالىق پەر-يۋگ ەربەرمەن كەزدەسەدى.
ەسكە سالا كەتەيىك, م.كۋكۋشكيننىڭ بۇدان بۇرىن ۆەنا ءتۋرنيرىنىڭ فينالىنا شىعا الماعانىن جازعان بولاتىنبىز.