قالادا جالپى كومىردىڭ قورى بەيسەنبى كۇنى – 10561,87 توننانى قۇرادى, دەپ حابارلايدى استانا اكىمدىگىنىڭ رەسمي سايتى.
استاناعا «قاراجىرا» ماركاسى مەن «مايكوبە» ماركالى كومىرىنىڭ 1596 تونناسى كەلىپ ءتۇستى. «شۇباركول» ماركالى كومىرىنىڭ باعاسى استانادا – 13 600 تەڭگە, «قاراجىرا» - 13 500 تەڭگە, «مايكوبە» - 12 500 تەڭگە, «بوگاتىر كومير» - 9000 تەڭگە, «كۋزنەتسكي» - تونناسى 12 250 مىڭ تەڭگە.
استانادا كومىر ساتاتىن 8 كومپانيا بار. بۇدان بۇرىن حابارلاعانىمىزداي, وتىن-ەنەرگەتيكالىق كەشەنى جانە كوممۋنالدىق شارۋاشىلىق باسقارماسى كومىر وندىرۋشىلەرمەن باعانى وسىرمەۋ تۋرالى مەموراندۋمعا قول قويعان بولاتىن. استانا اكىمدىگى كۇن سايىن نارىقتاعى كومىر احۋالىنا مونيتورينگ جۇرگىزىپ, باقىلاۋدا ۇستاپ وتىر. «iKomek» قالالىق مونيتورينگ جانە جەدەل ارەكەت ەتۋ ورتالىعىندا تۇرعىندار ءۇشىن جەدەل جەلى قۇرىلدى.