وبلىستىق اۋىل شارۋاشىلىعى باسقارماسىنىڭ مالىمەتىنشە, وڭىردە «جولقۇدىق ەلەۆاتورى», «اتو شارباقتى ەلەۆاتورى», «مىڭكول ەلەۆاتورى» جشس-تارى, «اگرو» فيرماسى, «پاۆلودارلىق نيۆا» جانە «ەرتىس اگرو» كاسىپورىندارى بار. بۇل كاسىپورىندار جالپى كولەمى 264,3 مىڭ توننا استىق قابىلداي الادى.
بۇعان قوسا وڭىردەگى كوپتەگەن ورتا جانە ءىرى شارۋا قوجالىقتارىنىڭ جەكە استىق قويمالارى دا بار. استىقتىڭ ىلعالدىلىعى از بولسا, ەلەۆاتورلارعا تاسىمالداماي-اق, جينالعان ونىمدەرىن قويمالاردا ساقتايتىن كورىنەدى. كۇزگى جيىن تەرىن دە اياقتالىپ كەلەدى.
باسقارماسىنىڭ مالىمەتىنشە, ءداندى داقىلداردىڭ 722 مىڭ گەكتارى جينالعان. ديقاندارى گەكتارىنان ورتاشا ەسەپپەن 12,3 تسەنتنەردەن ءونىم الۋدا. جوعارعى كورسەتكىش جەلەزين اۋدانىندا, استىق شىعىمدىلىعى گەكتارىنان 13,1 تسەنتنەردى قۇرادى. وبلىستا ەرتىس اۋدانىندا جالپى كولەمى 182 مىڭ گەكتاردان استام استىقتى القاپ بار.
وڭىردە جالپى كولەمى 1 ميلليون 519 مىڭ گەكتار شابىندىقتان 1311 مىڭ توننا ءشوپ دايىندالدى. كۇزگى دالا جۇمىستارىن جۇرگىزۋ ءۇشىن 21 مىڭ توننا ديزەل وتىنى بولىنگەن. ديزال وتىنى شارۋالارعا ارزانداتىلعان باعامەن ساتىلدى. وبلىس بويىنشا ەگىستىك القاپتارىنىڭ جالپى كولەمى 1 ميلليون 50 مىڭ گەكتاردى قۇرايدى.
فاريدا بىقاي,
«ەگەمەن قازاقستان»
پاۆلودار