ءماجىلىس دەپۋتاتتارى سقو اققايىڭ اۋدانىنىڭ تۇرعىندارىمەن كەزدەستى

اۋدانداعى «پولتاۆسكوە» جشس قىزمەتكەرلەرمەن, پولتاۆكا ورتا مەكتەبىنىڭ ۇجىمىمەن جانە اۋىل تۇرعىندارىمەن كەزدەسۋدە دەپۋتاتتار ەلباسى جولداۋىن تالقىلادى.

«پولتاۆسكوە» جشس ەڭبەك ۇجىمىمەن وتكەن ءىس-شارا ءونىم ەكسپورتىنىڭ كولەمىن ۇلعايتۋ جانە اگروونەركاسىپتىك كەشەننىڭ الەۋەتىن ىسكە اسىرۋ ماسەلەلەرىنە ارنالدى. اتالعان كاسىپورىن سوڭعى جىلدارى وڭىردەگى بيداي ەگىن جيناۋ كورسەتكىشتەرى بويىنشا جانە ەت-ءسۇت ونىمدەرىن ءوندىرۋ بويىنشا الدىڭعى قاتاردا. ول ءۇشىن كاسىپورىندا زاماناۋي اگرارلىق تەحنولوگيالار مەن شەتەلدىك تاجىريبەلەر قولدانىلۋدا. ءوز مىندەتتەرىن جۇزەگە اسىرۋ ءۇشىن باسشىلىق مەملەكەت تاراپىنان قولداۋ الىپ, وسىنىڭ ناتيجەسىندە جىل سايىن ءوندىرىس كولەمى ارتىپ كەلەدى. ماسەلەن, 2018 جىلى كاسىپورىن 675 ميلليون تەڭگە سوماسىنا ءونىم وندىرگەن.

كەزدەسۋدە ءماجىلىس دەپۋتاتى ساپار احمەتوۆ ەڭبەك ونىمدىلىگىن جانە اۋىل شارۋاشىلىعىنا قاتىستى قايتا وڭدەلگەن ونىمدەر ەكسپورتىن ۇلعايتۋ جانە «بيزنەستىڭ جول كارتاسى» باعدارلاماسىن 2025 جىلعا دەيىن قولدانىلۋ مەرزىمىن ۇزارتۋدىڭ ناتيجەلىلىگى تۋرالى ايتتى.

مۇعالىمدەردىڭ بەدەلى جانە بيۋدجەتتىك قىزمەتكەرلەردىڭ جالاقىسىن كوتەرۋ تۋرالى ماجىلىسمەندەر پولتاۆكا ورتا مەكتەبىنىڭ ۇجىمىمەن كەزدەسۋدە كوتەردى.

- سوڭعى جىلدارى ءبىلىم بەرۋ سالاسىندا IT-ءبىلىمدى قالىپتاستىرۋعا, قازاق جانە اعىلشىن تىلدەرىن دامىتۋعا ەرەكشە نازار اۋدارىلۋدا. دەگەنمەن, ورتا ءبىلىم بەرۋ ساپاسىنىڭ ارتۋى مۇعالىمدەرگە بايلانىستى. سوندىقتان, پرەزيدەنت «مۇعالىمدەردىڭ مارتەبەسى تۋرالى» زاڭدى ازىرلەۋدى ۇسىندى. پەداگوگتار تىكەلەي وقۋ پروتسەسىمەن اينالىسۋ كەرەك. وسىعان سايكەس, كەلەسى جىلدىڭ قاڭتارىنان باستاپ بيۋدجەتتىك قىزمەتكەرلەردىڭ جالاقىسى 35 پايىزعا ۇلعايتىلماق, - دەدى ءماجىلىس دەپۋتاتى بەرىك وسپانوۆ.

ماجىلىسمەندەر اتاپ وتكەندەي, بارلىق ءبىلىم بەرۋ جۇيەسىندە وزگەرىستەر بولادى. بارلىق وقۋ ورىندارى ءبىلىم پروتسەسىندە نازارباەۆ زياتكەرلىك مەكتەپتەرى جانە Nazarbayev University وقىتۋ ستاندارتىنا سۇيەنىپ, مەكتەپتەر جانە بالاباقشالار بەينەباقىلاۋمەن جابدىقتالماق.