وزەكتى ماسەلەلەرگە نازار اۋدارىلعان - رادۋ ماگدين

قازاقستانعا جاھاندىق باسە­كەلەستىكتى سەزىنۋ قاجەت. ويتكەنى ءبىز ستراتەگيالىق با­سە­كەلەستىك الەمىندە ءومىر ءسۇرىپ جاتىرمىز. سوندىقتان جاڭ­عىرۋ, ءتيىمدى رەفورمالاردى ىسكە اسىرۋ ماڭىزدى.

نەگىزىندە, ەكونوميكالىق ساياساتتىڭ باستى ەلەمەنتى رە­تىندە ەكسپورتقا باعدارلانعان يندۋستريالاندىرۋدى اتاۋعا بولادى. قازاقستان ء«بىر بەلدەۋ, ءبىر جول» جوباسىنىڭ ما­ڭىزدى بولىگى, سوندىقتان وسى باعىتتى كاپيتالداندىرۋ وتە وزەكتى.

بولاشاقتا بيزنەستى زاڭسىز اكىمشىلىك قىسىمنان جانە قىل­مىستىق قۋدالاۋدىڭ قاتەرىنەن قورعاۋدى كۇشەيتۋ قاجەت. 

نازارباەۆ ۋنيۆەرسيتەت اياسىندا جاساندى ينتەللەكت تەحنولوگياسىن دامىتۋعا ارنالعان قوزعاۋشى كۇشتەردىڭ ءبىرى بولا الاتىن ءتورتىنشى يندۋستريالىق رەۆوليۋتسيانى دۇرىس ىسكە اسىرۋ ماڭىزدى.

ماعان «استانا» حا­لىق­ارا­لىق قارجى ورتالىعىنىڭ دامۋىنا باسا نازار اۋدا­رىل­عانى ۇنادى. ورتالىق بيزنەس­كە شەتەلدىك ينۆەستيتسيالار مەن كاپيتالعا قولجەتىمدىلىكتى قامتاماسىز ەتۋدە ماڭىزدى ءرول ويناۋ ءۇشىن قوسىمشا ادام كا­پيتالىن پايدالانۋ ارقىلى با­سەكەگە قابىلەتتى بولۋى كەرەك.

جولداۋدا ءبىلىم بەرۋ سالاسىنا باسا كوڭىل اۋدارىلۋىن وتە ءتيىمدى قادام دەپ ەسەپ­­تەيمىن. بۇل ورايدا ءبىلىم بەرۋ­­دىڭ بارلىق باعىتتارىنا الەم­دىك دەڭگەيدەگى پروفەس­سور­لاردىڭ نازارىن اۋدارۋ كەرەك.

«ازاماتتاردىڭ سۇرا­نىسىنا بەيىمدەلگەن مەم­لە­كەتتىك اپپاراتتى» ەسكەرە وتىرىپ, «ەلەك­تروندى ۇكىمەتتى» قول­دانۋ مۇمكىندىگى پايدالى بولادى جانە ول بولاشاقتا ەلەكترون­دى ۇكىمەت سالاسىندا قازاق­ستان­دى ايماقتاعى كوشباسشى ەلگە اي­نالدىرۋعا مۇمكىندىك بەرەدى.

مەنى, جولداۋدا ايتىل­عان­داي, پرەزيدەنت اكىمشىلىگىندە ۇلتتىق جاڭعىرۋ كەڭسەسىن قۇرۋ جانە وعان ءتيىستى ماندات بەرۋ ماسەلەسى قىزىقتىردى.

ەلدى دامىتۋعا جاستاردىڭ بەلسەندى قاتىسۋى باس­تى فاك­تور بولىپ تابىلادى. پرە­­زي­دەنتتىڭ تاپسىرماسى نەگىزىندە بولاشاق ساياسات­كەر­لەردىڭ بۋى­نى قالىپ­تاسۋى ءتيىس. بۇل باعىتتاعى جۇ­مىس­تار­دىڭ ناتيجەلى بولۋىنا كوش­باس­­شى­لىق باعدارلامالار, سونىڭ ىشىندە يندۋستريالىق باع­دارلامالار ءوز كومەگىن تيگىزە الادى.

رادۋ ماگدين,

حالىقارالىق ساراپشى (رۋمىنيا