تەننيسشىلەردىڭ جاڭارتىلعان الەمدىك رەيتينگىندە جەرلەستەرىمىزدىڭ اراسىنان ەڭ ۇزدىك ناتيجەگە ميحايل كۋكۋشكين قول جەتكىزىپ وتىر. وسى كۇنگە دەيىن 83 ورىندى قاناعات تۇتىپ كەلگەن ول بىردەن 10 ساتىعا جوعارلاپ, قازىرگى كەزدە 73 ورىندى يەلەنۋدە.
قازاقستاندىقتار اراسىنان اتر تىزىمىندە «توپ-100» ويىنشىنىڭ قاتارىندا تەك سول ميحايل كۋكۋشكين عانا بار. وكىنىشكە قاراي, وزگە ورەندەرىمىزدىڭ كورسەتكىشى كوڭىل كونشىتەرلىك ەمەس. ماسەلەن, ەلىمىزدىڭ ەكىنشى راكەتكاسى الەكساندر بۋبليك بۇگىنگى كۇنى الەمدىك رەيتينگتە 219 ورىندا تۇرسا, الەكساندر نەدوۆەسوۆ 246 ساتىعا جايعاستى. ال دەنيس ەۆسەەۆ نەبارى 308 ورىندى ەنشىلەۋدە.
«توپ-10» (ەرلەر): 1. رافاەل نادال (يسپانيا), 2. نوۆاك دجوكوۆيچ (سەربيا), 3. رودجەر فەدەرەر (شۆەيتساريا), 4. حۋان مارتين دەل پوترو (ارگەنتينا), 5. الەكساندر زۆەرەۆ (گەرمانيا), 6. مارين چيليچ (حورۆاتيا), 7. دومەنيك تيم (اۆستريا), 8. كەۆين اندەرسون (وار), 9. گريگور ديميتروۆ (بولگاريا) جانە 10. دجون يزنەر (اقش).
ايەلدەر «توپ-100» تەننيسشىنىڭ قاتارىندا وتانداستارىمىزدىڭ اراسىنان يۋليا پۋتينتسەۆا مەن زارينا دياس بار. بۇل كۇندەرى يۋليا WTA تىزىمىندە 48 ورىندى يەلەنسە, زارينا 90 ساتىعا تابان تىرەۋدە. سوڭعى كەزدەرى ءتاۋىر ويىن ورنەگىمەن كوزگە ءتۇسىپ جۇرگەن 19 جاستاعى ەلەنا رىباكينا 186 ورىنعا كوتەرىلدى. ال جاراقاتىنان ءالى دە دۇرىس ايىعا الماي جۇرگەن گالينا ۆوسكوبوەۆا جانە نارەستەلى بولۋىنا بايلانىستى ۇلكەن سپورتتان قول ءۇزىپ قالعان ياروسلاۆا شۆەدوۆا الەمدىك رەيتينگتەگى جاعدايلارىن ەداۋىر ناشارلاتىپ الدى.
«توپ-10» (ايەلدەر): 1. سيمونا حالەپ (رۋمىنيا), 2. كارولين ۆوزنياتسكي (دانيا), 3. انجەليكا كەربەر (گەرمانيا), 4. ناومي وساكا (جاپونيا), 5. كارولينا پليشكوۆا (چەحيا), 6. ەلينا سۆيتولينا (ۋكريانا), 7. پەترا كۆيتوۆا (چەحيا), 8. سلوان ستيۆەنس (اقش), 9. يۋليا گەرگەس (گەرمانيا) جانە 10. كيكي بەرتەنس (گوللانديا).
عالىم سۇلەيمەن,
«ەگەمەن قازاقستان»