ءتىل-كوزدەن ساقتاسىن دەيىك, تۇركىستان وبلىسىندا ۇشەمدەر قاتارى ارتا تۇسۋدە. سارىاعاش اۋدانىنداعى ۇشقىن اۋىلىنىڭ تۇرعىنى ۇلجالعاس باقتىباەۆا ەكى ۇل جانە ءبىر قىزدى دۇنيەگە اكەلدى.
شىمكەنتەگى №1 پەريناتالدىق ورتالىقتا ومىرگە كەلگەن ۇشەم تۋرالى اقپاراتتى وبلىستىق دەنساۋلىق ساقتاۋ باسقارماسى اپتا وتكەن سوڭ جاريا ەتتى. وعان سەبەپ تە جوق ەمەس ەكەن, انا مەرزىمىنەن ەرتەرەك بوسانعان. دارىگەرلەر نارەستەلەردى ءبىر اپتا باقىلاۋدا ۇستاپتى. ۇشەمدى دۇنيەگە اكەلىپ, سەگىز بالانىڭ اناسى بولعان ۇلجالعاس پەرزەنتحانادان امان-ەسەن شىقتى. ءومىر ەسىگىن جاڭا اشقان ايبەرىك, بايسەرىك جانە گۇلسىمنىڭ بەس اعا-اپكەسى بار. پەريناتالدى ورتالىقتىڭ دارىگەرلەرى نارەستەلەر مەن بالاباقشادا تاربيەشىنىڭ كومەكشىسى بولىپ جۇمىس ىستەيتىن ۇ. باقتىباەۆانىڭ دەنساۋلىق جاعدايىن تۇراقتى دەپ باعالاپ وتىر.
عالىمجان ەلشىباي,
«ەگەمەن قازاقستان»
تۇركىستان وبلىسى