ەسىمى جەتىسۋ وڭىرىنە ايگىلى ەڭبەك ارداگەرى, «قۇرمەت» وردەنىنىڭ يەگەرى, الماتى وبلىسىنىڭ قۇرمەتتى ازاماتى ءباتيما ساقاۋوۆا جايلى ەستەلىكتەر جيناعى جارىق كوردى.
بالالىق شاعى ەكىنشى دۇنيەجۇزىلىك سوعىس جىلدارىنا تاپ كەلىپ, ەڭبەككە ەرتە ارالاسقان ءباتيما ساقاۋوۆانىڭ كولحوزدىڭ قاراپايىم جۇمىسشىسىنان باستالعان ەڭبەك جولى ءتۇرلى پارتيا, كەڭەس قىزمەتىندە باسشىلىق جاساۋعا دەيىن جەتكىزىپ, ابىرويلى ەل اناسى اتانۋعا جول اشتى. جەتىسۋ ولكەسىنىڭ قادىرمەندى قارياسىنا اينالعان ءباتيما اپا بىلتىر, 92 جاسقا قاراعان شاعىندا دۇنيەدەن وتكەن ەدى.
تۇساۋى كەسىلگەن ء«باتيما انا» كىتابى قاريا جايلى ەستەلىكتەر, ەسسەلەر, وچەركتەر مەن ارناۋ ولەڭدەردىڭ باسىن بىرىكتىرگەن 5 بولىمنەن تۇرادى. كىتاپتى ءوڭىردىڭ تانىمال ءجۋرناليسى, «ەگەمەن قازاقستان» گازەتىنىڭ ارداگەرى كۇمىسجان بايجان قۇراستىردى. ال ونىڭ جارىق كورۋىنە ءماجىلىس دەپۋتاتى سەرىك ۇمبەتوۆ مۇرىندىق بولدى.
– عيبراتتى عۇمىرى ەل جادىنان ورىن الىپ, جۇرتشىلىقتىڭ جۇرەگىندە ماڭگىلىك وشپەستەي جاتتالىپ قالعان جەتىسۋدىڭ ازاماتتارى كوپ. سولاردىڭ بىرەگەيى كوزى تىرىسىندە جەتىسۋ جۇرتىنىڭ ارداقتى اناسى اتانعان ءباتيما ەسبولاتقىزى ساقاۋوۆا. ول جايلى كىتاپتا ءوڭىرىمىزدىڭ وركەندەپ وسۋىنە ولشەۋسىز ۇلەس قوسقان ءباتيما اپامىزدىڭ كوپكە ۇلگى بولارلىق ونەگەلى ءومىرى مەن بيىك ادامگەرشىلىك قاسيەتى, جوعارى ۇيىمداستىرۋشىلىق قابىلەتى تۋرالى جان-جاقتى ايتىلادى, – دەيدى وبلىستىق تىلدەردى دامىتۋ باسقارماسىنىڭ باسشىسى ايدار باشباەۆ.
قالماحانبەت مۇقامەتقالي,
«ەگەمەن قازاقستان»
الماتى وبلىسى