«جەبە تارتقان ءسوز بەن جىر قوسىنىنان...»

ءىس-شاراعا پارلامەنت سەناتى مەن ءما­جىلىس دەپۋتاتتارى, عالىمدار, ونەر قايرات­كەر­لەرى قاتىستى. عالىمنىڭ مەرەيتويىنا ار­نالعان شارادان ادەبيەتسۇيەر قاۋىم مەن ءتىل جاناشىرلارى دا شەت قالعان جوق.

كونفەرەنتسيانىڭ پلەنارلىق بولى­مىندە ل.ن. گۋميلەۆ اتىنداعى ەۇۋ الەۋ­مەتتىك-مادەني دامۋ جونىندەگى پرورەكتورى, اكادەميك ديحان قامزابەك ۇلى كىرىسپە ءسوز سويلەپ, ەۇۋ-دىڭ رەكتورى ەرلان سى­دى­قوۆتىڭ اتىنان مەرەيتوي يەسىن قۇتتىق­تادى. سونىمەن قاتار مەملەكەتتىك حاتشى گۇلشارا ابدىقالىقوۆا, پرەزيدەنت اكىمشىلىگىنىڭ ىشكى ساياسات ءبولىمىنىڭ باسشىسى ايدا بالاەۆا, پارلامەنت سە­ناتىنىڭ توراعاسى قاسىم-جومارت تو­قاەۆ اتىنان كەلگەن قۇتتىقتاۋلاردى وقىپ بەردى. جيىندا ەۇۋ قازاق ادەبيەتى كافەدراسىنىڭ مەڭگەرۋشىسى, اكادەميك سەيىت قاسقاباسوۆ ارنايى ءسوز الىپ, كور­نەكتى عالىمنىڭ ەڭبەكتەرى مەن ادامي قا­سيەتتەرىنە توقتالسا, استانا قالاسى اكىمىنىڭ ورىنباسارى ەرمەك امانشاەۆ قالا اكىمى باقىت سۇلتانوۆتىڭ جىلى لەبىزىن جەتكىزدى. ال «ەگەمەن قازاقستان» گازەتىنىڭ باسشىسى دارحان قىدىرالى باسىلىمنىڭ تۇراقتى اۆتورىن مەرەيلى جاسىمەن قۇتتىقتاپ, عىلىمداعى ەڭبەگى مەن قىزمەتىنە توقتالدى. 

ەۇۋ قازاق ادەبيەتى كافەدراسىنىڭ ۇستازى, فيلولوگيا عىلىمىنىڭ دوكتورى ا.ءالتاي «زامان جانە رۋحانيات: جىراۋ­لار, بيلەر, سال-سەرىلەر» تاقىرىبىندا باس بايانداما جاسادى. قازاق ۇلتتىق ونەر ۋنيۆەرسيتەتىنىڭ پروفەسسورى, كۇيشى-كومپوزيتور ج.ءجۇزباي «پروفەسسور س.نەگيموۆتىڭ ينتوناتسيا جانە مەلوديكا تۋرالى پايىمداۋلارى», «بولاشاق» اكادەمياسىنىڭ پروفەسسورى م.حامزين «پروفەسسور س.نەگيموۆ زەرتتەۋلەرىندەگى ارقا اقىندارى شىعارماشىلىعى», ءال-فا­رابي اتىنداعى قازۇۋ پروفەسسورى ت.ەسەمبەكوۆ «س.نەگيموۆ ەڭبەكتەرىندەگى ەتنو­گرافيالىق سارىندار: تۇلعا, قوعام, ادام», ەۇۋ قازاق ادەبيەتى كافەدراسىنىڭ پروفەسسورى, فيلولوگيا عىلىمىنىڭ كان­ديداتى ق.الپىسباەۆ «پروفەسسور س.نە­گيموۆ جانە ۇلتتىق پوەتيكا: مەتافورا قۇبىلىسى», ەۇۋ قازاق ادەبيەتى كافەدراسىنىڭ پروفەسسورى, فيلولوگيا عىلىمىنىڭ دوكتورى ر.تۇرىسبەك «ۇلت مۇراتىنىڭ كوركەمدىك قاينارى», جازۋشى ا.كەمەلباەۆا «نازىم ءسوزدىڭ كەنىشى», ەۇۋ قازاق ادەبيەتى كافەدراسىنىڭ پروفەس­سورى, فيلولوگيا عىلىمىنىڭ دوكتورى س.جۇماعۇل «ولەڭ – ءسوزدىڭ تەورياسى», ەۇۋ دوتسەنتى, فيلولوگيا عىلىمىنىڭ كان­ديداتى م.بورىباەۆا «مادەنيەت جانە ءداۋىر» دەگەن تاقىرىپتاردا باياندامالارىن وقىدى.

كونفەرەنتسياعا قاتىسۋشىلار جيىن  بارىسىندا مەرەيتوي يەسىنىڭ شىعار­ما­لا­رى نەگىزىندە ۇيىمداستىرىلعان «كۇل­تەگىن» اتريۋمىنداعى «عالىم.ۇستاز.قاي­راتكەر» كورمەسىن تاماشالاپ, سەرىك نەگي­موۆتىڭ «فوليانت» باسپاسىنان جارىق كورگەن بەس تومدىق شىعارمالار جينا­عى­نىڭ تۇساۋكەسەر ءراسىمىنىڭ كۋاسى بولدى.

باعاشار تۇرسىنباي ۇلى,

«ەگەمەن قازاقستان»