ۇشتوبە قالاسىندا بەلگىلى قالامگەر, قازاق ادەبيەتىندەگى دەتەكتيۆ جانرىنىڭ نەگىزىن قالاعان جازۋشى كەمەل توقاەۆ اتىنداعى سكۆەر اشىلدى. اباتتاندىرىلعان الاڭقاي جازۋشىنىڭ تۋعانىنا 95 جىل تولۋىنا وراي قولدانىسقا بەرىلدى.
قاراتال اۋدانىنىڭ ورتالىعى – ۇشتوبە قالاسىنداعى جاڭا سكۆەردىڭ جالپى الاڭى 1,4 گەكتار اۋماقتى الىپ جاتىر. اۋماقتى گۇلدەندىرىپ, كوز تارتاتىن كوركەم الاڭعا اينالدىرۋ ءۇشىن الماتىلىق ج.جانەكەنوۆ اتىنداعى جوبالاۋ ينستيتۋى مەن «انكور-2005» جاۋاپكەرشىلىگى شەكتەۋلى سەرىكتەستىگى تالماي ىزدەنىپتى. ساياباققا قىلقان جاپىراقتى, دەكوراتيۆتى اعاشتار مەن گۇلدى بۇتالار وتىرعىزىلىپ, گۇلزارلارمەن كومكەرىلگەن. ادامداردىڭ تىنىستاۋى ءۇشىن قولايلى جاعداي جاسالىپ, ورىندىقتار قويىلعان. جاياۋ جۇرگىنشىلەر جولى توسەلگەن, جارىق شامدارى ورناتىلعان. سپورتتىق جانە بالالار ويىن الاڭدارى بار. سكۆەر ىشىندەگى ەڭ قۇندى الاڭ كەمەل توقاەۆ مەموريالى بولسا كەرەك. بۇل – سوعىس ارداگەرى, قوعام قايراتكەرى, ادەبيەت الىبىنا قويىلعان لايىقتى ەسكەرتكىش.
سكۆەردىڭ اشىلۋىنا ارنايى كەلگەن وبلىس اكىمى اماندىق باتالوۆ ۇشتوبەلىكتەردى سايالى دەمالىس ورىنىڭ اشىلۋى مەن جانە قاراتال اۋدانىنىڭ قۇرىلعانىنا 90 جىل تولۋىمەن قۇتتىقتادى.
- بۇگىن كورنەكتى جازۋشى-جۋرناليست كەمەل توقاەۆتىڭ 90 جىلدىعىنا وراي جاڭا سكۆەر اشىلدى. ء«وز ەلى ءوز ەرلەرىن ەسكەرمەسە, ەل تەگى قايدان السىن كەمەڭگەردى», دەپ ءىلياس اقىن جىرلاعانداي, وڭىرىمىزدە توپىراعىندا تۋىپ-وسكەن دارىندى ازاماتتاردىڭ ەسىمىن ارداقتاۋ – ورتاق پارىزىمىز. پايدالانۋعا بەرىلىپ وتىرعان جاڭا سكۆەر كوپشىلىكتى بۇگىنگى اۋداننىڭ 90 جىلدىق مەرەيتويىمەن بىرگە قۋانتىپ وتىر. 1,4 گەكتار جەردى الىپ جاتقان دەمالىس ورنىندا بالالار الاڭى مەن سپورت الاڭى دا قاراستىرىلعان. سوندىقتان بۇل سكۆەر قاراتالدىقتاردىڭ سۇيىكتى دەمالىس ورىندارىنىڭ بىرىنە اينالادى دەپ سەنەمىن, - دەدى ايماق باسشىسى ءوز سوزىندە.
قالماحانبەت مۇقامەتقالي,
«ەگەمەن قازاقستان»
الماتى وبلىسى