باقىت سۇلتانوۆ: ەلباسى جولداۋى قولدانىستاعى باعدارلامالاردى ىسكە اسىرۋدا جاڭا سەرپىن بەرەدى

اكىمنىڭ ايتۋىنشا, قازىرگى جولداۋدىڭ ماڭىزى مەن قۇجاتتىڭ مازمۇنى, ازىرلەنگەن جانە سالىستىرا تەكسەرىلگەن باعدارلامالىق قۇجاتتار - «قازاقستان – 2050» ستراتەگياسى, «نۇرلى جول» جانە «100 ناقتى قادام» ۇلت جوسپارىنىڭ لوگيكالىق جالعاسى بولا ءبىلدى.

«ەل پرەزيدەنتى نۇرسۇلتان نازارباەۆ ازاماتتاردىڭ الەۋمەتتىك جاعدايى مەن ءومىر ساپاسى, قوعام دامۋىن جاقسارتۋ بويىنشا جاسالاتىن شارالاردىڭ اۋقىمىن تەڭدەسى جوق ەتىپ كورسەتتى. ءاربىر پۋنكت قازاقستاننىڭ قارقىندى دامۋى ءۇشىن ىرگەتاسى بولىپ قالاندى, ونىڭ ىسكە اسىرىلۋى بىزگە الەمدەگى دامىعان 30 ەلدىڭ قاتارىنا كىرۋىمىزگە مۇمكىندىك بەرەدى. مەملەكەت باسشىسى ايتقان مىندەت 11 قىركۇيەكتە قالا اكتيۆىمەن بولعان كەزدەسۋدە ايتىلعان ماقساتتارمەن تىعىز بايلانىستى. سونداي-اق قالانى دامىتۋدىڭ جاڭا ۇلگىسىن ەنگىزۋ مەن جايلى ورتا جاساۋ ءۇشىن يننوۆاتسيانى ىلگەرىلەتىپ, كرەاتيۆتى ادامدار سانىن ءوسىرۋ», - دەدى ب. سۇلتانوۆ.

كەزدەسۋدە قاتىسۋشىلار پرەزيدەنتتىڭ جاڭا قۇجاتىنداعى بارلىق سالاعا قاتىستىنى تالقىلادى. ونىڭ ىشىندە «7-20-25» اۋقىمدى باعدارلاماسىن ىسكە اسىرۋ بويىنشا باسپانا ماسەلەسى ايتىلدى, ونىڭ اياسىندا ب. سۇلتانوۆتىڭ ايتۋىنشا تاياۋ بەس جىلدا 100 مىڭنان استام ازامات باسپاناعا قول جەتكىزە الادى.

قالا اكتيۆى سونىمەن قاتار استاناداعى بيزنەس كليمات ماسەلەسىن دە قوزعاي كەتتى. ىسكە اسىرىلىپ جاتقان جوبالار تۋرالى «دامۋ» كاسىپكەرلەردى دامىتۋ قورىنىڭ استاناداعى فيليالىنىڭ ديرەكتورى باياندادى. ال دەنساۋلىق ساقتاۋ جانە ءبىلىم سالاسىنداعى قىزمەت كورسەتۋدىڭ ساپاسىن ەلوردالىق مەكتەپ پەن بالا باقشا مەڭگەرۋشىلەرى ايتتى.

استانا اكىمى ب. سۇلتانوۆ ءاربىر سالانىڭ ىسكە اسىرىلۋى ماڭىزدى ەكەنىنە توقتالدى. اسىرەسە, دەنساۋلىق ساقتاۋ وبەكتىلەرى سياقتى مەكەمەلەردى قولجەتىمدى تۇردە قامتاماسىز ەتۋدى تاپسىردى جانە دە اۋلالاردى جانە ىشكى كۆارتالداردىڭ تەرريتورياسىن اباتتاندىرۋدى دا پىسىقتادى.

ەستەرىڭىزگە سالا كەتەيىك, قازاقستان حالقىنا جولداۋىن نۇرسۇلتان نازارباەۆ 5 قازان كۇنى جاريا ەتتى. وندا نەگىزگى تاقىرىپتار قازاقستاندىقتاردىڭ تۇرعىن ءۇي, ءبىلىم, دەنساۋلىق, شاعىن جانە ورتا بيزنەسكە (شوب) كومەكتەسۋ ماسەلەلەرىن شەشۋ بولدى.