2018 جىلدىڭ 5 قازان كۇنى مەملەكەت باسشىسى نۇرسۇلتان ءابىش ۇلى نازارباەۆ قازاقستان حالقىنا «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جىل سايىنعى جولداۋىن جاريالادى. قازاقستاندىقتاردىڭ ءال-اۋقاتى, ەڭ الدىمەن, تابىستارىنىڭ تۇراقتى ءوسىمى مەن تۇرمىس ساپاسىنا بايلانىستى ەكەنىن اتاپ ءوتتى. جولداۋ جولدارىندا كورسەتىلگەن وزەكتى ماسەلەلەردىڭ بارلىعى جاڭا زامانعا لايىقتى دامۋ باعىتىندا وڭ وزگەرىستەر مەن دامۋعا باستايتىن ماڭىزدى باعىتتار.
بۇدان بولەك حالىقتىڭ ءال اۋقاتىن ارتتىرۋ ماقساتىنداعى باستامالار دا ۇجىم مۇشەلەرىن بەي-جاي قالدىرعان جوق. مينيمالدى جالاقىنىڭ 1,5 ەسەگە ءوسۋى, وزگە دە بيۋدجەتتىك مەكەمە قىزمەتكەرلەرى جالاقىسىنىڭ 35% ءوسىرۋ جونىندەگى جاڭالىقتار كوپشىلىككە ۇناعانى ءسوزسىز. ەلباسىنىڭ جولداۋداعى بۇل باستاماسى ەڭبەكتەگى كاسىپتىك پەن بىلىكتىلىك دەڭگەيىنىڭ قالىپتاسۋىنا اسەرىن تيگىزە وتىرىپ, ادامداردى ىنتالاندىرىپ, ناتيجەلى جۇمىسقا تارتادى دەگەن ويدامىن. سەبەبى, ەڭبەك نارىعىنىڭ تيىمدىلىگىن قامتاماسىز ەتىپ, ءاربىر ادامنىڭ ءوز الەۋلەتىن ىسكە اسىرا الۋى ءۇشىن جاعداي جاساۋدىڭ ماڭىزى زور. مەملەكەت باسشىسىنىڭ 2019 جىلدى "جاستار جىلى" دەپ جاريالاۋى اسا قۋانتارلىق جاعداي ەكەنى انىق. وسى ارقىلى ول ءوزىنىڭ جاستارعا ۇلكەن سەنىم ارتاتىنىن كورسەتىپ وتىر. ۇلت كوشباسشىسى ن.ءا.نازارباەۆ ۇسىنعان ءتۇرلى سالالارداعى ماسەلەردى شەشۋ جولدارىن جاستار قولدايدى! ەل بولاشاعى ءۇشىن ەڭبەك ەتۋ – اركىمنىڭ مىندەتى. ءبىز ەلباسىمىزدىڭ جاستارعا ارتقان ءۇمىتىن اقتاۋعا دايىنبىز!كەيبىر ەكونوميكالىق كورسەتكىشتەرگە كوڭىلى تولمايتىنىن اشىق ايتقان مەملەكەت باسشىسى ولاردى شەشۋ جولدارىن ناقتى ايقىنداپ بەرىپ وتىردى. ەلباسى سىنعا الىپ, وزەكتىلىگىن اشىق ايتقان ماسەلەنىڭ بارلىعى – قاراپايىم قازاقستاندىقتاردىڭ كوكەيىندە جۇرگەن تۇيتكىلدەر. ماسەلەن, مۇعالىم مارتەبەسى تۋرالى زاڭ قابىلداۋ, مەديتسينا سالاسى قىزمەتكەرلەرىنىڭ جالاقىسىن كوتەرۋ, مەملەكەتتىك قىزمەت پەن قۇقىق قورعاۋ سالاسىنىڭ جۇمىسىن جەتىلدىرۋ سەكىلدى تولعاقتى ماسەلەلەردىڭ ءتۇيىنىن ەلباسى ءوزى تارقاتتى. قالاي بولعاندا دا, قوعامدىق جۇيە دە, قاراپايىم حالىق تا ءبىر سەرپىلىپ قالدى.ەرەكشە قۋانتاتىنى, بۇگىن حالىقارالىق ۇستازدار كۇنىنە ارنالعان ەلباسىنىڭ ەكى جاقسى باستاماسى, ول – بىرىنشىدەن, جالاقى كوتەرۋ, بۇل ەندى ەكونوميكالىق جاعىنان وتە ماڭىزدى. ال ەكىنشىسى, مەنىڭشە اسا ەرەكشە ءمان بەرەتىن تۇس — ول 2019 جىلدان باستاپ «پەداگوگتار مارتەبەسى» تۋرالى ارنايى زاڭنىڭ قابىلداناتىندىعى.شىنىمەن دە, قوعامدى العا باعىتتاپ تاربيەلەيتىن — ۇستازدار. ءبىلىم جۇيەسى دەگەنىمىز, بۇل تەك قانا ءبىلىم بەرىپ قانا قوماي, بەلگىلى ءبىر مولشەردە بالاعا اقپارات بەرۋ جۇيەسى ەمەس— بۇل شىنداپ كەلسەك, الەۋمەتتەندىرۋ ينستيتۋتى.
ءبىلىم جۇيەسى دەگىنىمىز وتكەن ۇرپاقتىڭ كەلەر ۇرپاققا دەگەن مۇراسى. سول مۇرانى جەتكىزەتىن ەرەكشە الەۋمەتتىك بايلانىستار. سوندىقتان ءبىز ۇستازدىڭ مارتەبەسىن قوعامدا ناقتىلاماي, ءبىلىم جۇيەسىندە ۇلكەن جەتىستىكتەرگە جەتۋگە وتە قيىن بولادى.جالپى ەلدىڭ تۇراقتىلىعى, بىرلىگى بولىپ جاتقان وزگەرىستەر كەزىندە, ەكونوميكالىق تۇراقسىزدىق كەزىندە وتە جاقسى قوعامعا, اسىرەسە, ۇستازدارعا, بالاعا دەگەن ەرەكشە ءمان بەرىپ, ەرەكشە مەيىرىمدىلىكپەن سول پروبلەمالارعا قاراۋ, مەنىڭشە, ءبىزدىڭ قوعامنىڭ كەلەسى دامىعان ساتىسىندا ەكەنىن كورسەتەدى. سوندىقتان بارلىق قازاقستاندىقتار بۇگىنگى ەلباسىنىڭ جولداۋىن ەستي وتىرا جاڭا ۇمىتكە, بەلەستەرگە جاڭا جوسپارلارىن قۇرا باستايدى.وسى جولداۋدا اتالعان ماڭىزدى باعىتتاردىڭ بارلىعى جاڭا زامان تالابىنا ساي, ەلدى دامىتۋعا باعىتتالعان قادامدار. ماسەلەن, ەلىمىزدەگى يندۋستريا, تەحنولوگيا, ونەركاسىپ كەشەنى, كولىك-لوگيستيكا, ينفراقۇرىلىم, كوممۋنالدىق قۇرىلىس, زاماناۋي تەحنولوگيا, ءبىلىم, ءتيىمدى مەملەكەتتىك باسقارۋ جانە «اۋىل – ەل بەسىگى», ء«وز جەرىڭدى تانىپ ءبىل» دەگەن جوبالار, ماسەلەلەر كوتەرىلگەن. ەندى, پرەزيدەنت جولداۋىندا اتالعان تاپسىرمالاردى ەلىمىزدە ءاربىر سالانىڭ ماماندارى جۇزەگە اسىرۋى قاجەت. وعان قوسا مەملەكەت بارلىق سالانى قاداعالاپ, وعان بولىنگەن قاراجاتتىڭ ناتيجەسىن سۇراپ, ەسەبىن الىپ وتىرۋى ءتيىس. تەك, سوندا عانا وركەنيەتتى ەلدەر سياقتى مەملەكەتتىڭ ىلگەرىلەپ دامۋى بولادى.سونىمەن قاتار ەلباسى ءوز سوزىندە: ءبىز اۋىلدىق جەرلەردىڭ الەۋمەتتىك ورتاسىن جاڭعىرتۋعا كىرىسۋىمىز قاجەت.بۇعان ارنايى «اۋىل – ەل بەسىگى» جوباسىنىڭ ىسكە قوسىلۋى سەپتىگىن تيگىزەدى.ء«وز جەرىڭدى تانىپ ءبىل» جاڭا باستاماسى اياسىندا ەلىمىزدىڭ وڭىرلەرى بويىنشا جاپپاي مەكتەپ ءتۋريزمىن قايتا جاڭعىرتۋ كەرەك»,-دەپ ايتىپ ءوتتى.پرەزيدەنتتىڭ ءار تۇجىرىمى, ءاربىر تاپسىرماسى ءبىزدىڭ كوكەيىمىزدەن شىقتى. بۇل جولداۋ – قازاقستاندى ودان ءارى گۇلدەندىرە بەرۋدىڭ, ەل تۇرمىسىن جاقسارتا ءتۇسۋدىڭ ايقىن دا جارقىن ۇزاق مەرزىمدى باعدارلاماسى. ەندىگى مىندەت – پرەزيدەنت العا قويعان تاپسىرمالاردى جۇزەگە اسىرۋ.
ر.ماحانوۆ
ارشالى اۋدانىنىڭ تىلدەردى وقىتۋ ورتالىعىنىڭ ديرەكتورى