ەلباسى ۇسىنعان «بەس الەۋمەتتىك باستامانىڭ ءبىرى» – «7-20-25» باعدارلاماسى بويىنشا پاتەرلەر ساتىلىمعا شىققانى بەلگىلى. ۇلتتىق بانكتىڭ وڭىرلىك فيليالىنىڭ مالىمەتىنشە, وبلىستىڭ 13 تۇرعىنى جالپى قۇنى 143 ميلليون تەڭگە بولاتىن پاتەرلەردى باعدارلاما اياسىندا الۋعا ءوتىنىش بىلدىرگەن.
وبلىستىق قۇرىلىس باسقارماسىنىڭ حابارىنشا, پاۆلودار مەن ەكىباستۇز قالالارىندا «7-20-25» باعدارلاماسى بويىنشا 305 پاتەر ساتىلىمعا شىعارىلدى. جىل سوڭىنا دەيىن بۇل تىزىمگە تاعى 400-گە جۋىق پاتەر قوسىلماقشى. ەكىباستۇزدا 180 پاتەر, بەس قاباتتى ءۇش ءۇي «تۇرعىن ءۇي قۇرىلىس جيناق بانكى» اق ارقىلى سالىنعان بولاتىن. پاتەرلەردىڭ ءبىر شارشى مەترى 145-150 مىڭ تەڭگە. وبلىستىق جانە جەرگىلىكتى بيۋدجەت ەسەبىنەن سۋبسيديالاندى, ەندى پاتەرلەردىڭ ءبىر شارشى مەترىن تۇرعىندار 100 مىڭ تەڭگەگە ساتىپ الا الادى.
وڭىردەگى «كلوچان», «الەم-پۆل», «ارۋجان», «چايگازينوۆ» قۇرىلىس كومپانيالارى بەلسەندىلىك تانىتىپ, تۇرعىن ءۇي قۇرىلىسىنا كىرىسىپ تە كەتىپتى وكىنىشكە وراي, بانك وكىلدەرىنىڭ ايتۋىنشا, باعدارلاما بويىنشا پاتەر الۋدىڭ ء تيىمدى تەتىكتەرىن ءتۇسىندىرۋ جۇمىستارى ناشار. تۇرعىندارعا تۇسىنىك جۇمىستارى دا جەتپەۋدە.
جالپى, وڭىردە «7-20-25» باعدارلاماسى بويىنشا پاتەر الۋ ء ۇشىن پاتەر قۇنى 15 ميلليون تەڭگەدەن اسپاۋى ءتيىس. اي سايىنعى تولەم كولەمىن انىقتاۋ ءۇشىن ۇلتتىق بانك سايتىنداعى ەسەپتەۋ كومەگىنە جۇگىنۋ كەرەك. باعدارلاما اياسىندا پاتەر الۋ ءۇشىن جالاقى 180 مىڭ تەڭگەنى قۇراۋى ءتيىس. ءوتىنىش بەرۋشىنىڭ 25 جىل بويى اي سايىن 80 مىڭ تەڭگە تولەي الاتىنى انىقتالادى.
وبلىس ورتالىعىنداعى «سارىارقا» شاعىن اۋدانىندا 8 تۇرعىن ءۇي سالۋ بويىنشا مەملەكەتتىك كونكۋرس جاريالانادى. كەلەسى جىلى 1000 پاتەر پايدالانۋعا بەرىلمەك. 2019 جىلى بىرىڭعاي تيپتە سالىناتىن 73 جەكە تۇرعىن ءۇيدىڭ قۇرىلىسى اياقتالادى. باسقارمانىڭ مالىمەتىنشە, ولاردىڭ بارلىعىن «7-20-25» باعدارلاماسى بويىنشا ساۋدالاۋعا مۇمكىندىك تە بار. بۇگىنگى كۇنى وبلىس ورتالىعىندا تۇرعىن ءۇي كەزەگىندە 25 مىڭ ادام تۇر, «تۇرعىن ءۇي قۇرىلىس جيناق بانكى» اق-دا 50 مىڭ سالىمشىنىڭ شوتى بار.
فاريدا بىقاي,
«ەگەمەن قازاقستان»
پاۆلودار