10-11 قازان كۇندەرى توماس گرەمينگەر قازاقستان پرەزيدەنتى نۇرسۇلتان نازارباەۆپەن كەزدەسىپ, بىرقاتار شارالارعا قاتىسادى.
«ساپار بارىسىندا ەۋروپاداعى قاۋىپسىزدىك جانە ىنتىماقتاستىق ۇيىمىنىڭ باس حاتشىسى قازاقستان پرەزيدەنتى نۇرسۇلتان نازارباەۆپەن, جوعارعى سوت توراعاسى جاقىپ اسانوۆپەن جانە سىرتقى ىستەر ءمينيسترى قايرات ابدىراحمانوۆپەن ەكىجاقتى كەزدەسۋلەر وتكىزەدى. سول كەزدە قازاقستان مەن اتالعان ۇيىم اراسىنداعى ءوزارا ءىس-قيمىل پەرسپەكتيۆالارى تالقىلانادى. توماس گرەمينگەر الەمدىك جانە ءداستۇرلى دىندەر كوشباسشىلارىنىڭ VI سەزىنە, سونداي-اق, ەۋروپاداعى قاۋىپسىزدىك جانە ىنتىماقتاستىق ۇيىمىنىڭ قازاقستانداعى 20 جىلدىعىنا ارنالعان حالىقارالىق كونفەرەنتسيانىڭ اشىلۋىنا قاتىسادى», - دەيدى قر سىرتقى ىستەر مينيسترلىگىنىڭ ءباسپاسوز حاتشىسى ايبەك سمادياروۆ.
بۇدان بولەك, سەربيا پرەزيدەنتى الەكساندر ءۆۋچيچتىڭ قازاقستانعا رەسمي ساپارى جوسپارلانعان. ول الەمدىك جانە ءداستۇرلى دىندەر كوشباسشىلارىنىڭ VI سەزىنە قاتىسادى دەپ كۇتىلۋدە.