الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىندا «ورلەۋ» بىلىكتىلىكتى ارتتىرۋ ۇلتتىق ورتالىعى» جانە كاۋناس قالاسى پەداگوگتاردىڭ بىلىكتىلىگىن ارتتىرۋ ورتالىعىنىڭ (ليتۆا رەسپۋبليكاسى) ىنتىماقتاستىق قارىم-قاتىناس تۋرالى مەموراندۋمعا قول قويىلدى.
مەموراندۋمعا قول قويۋ تاراپتاردىڭ كاسىبي بايلانىستارىن ىنتىماقتاستىقپەن نىعايتۋ, ولاردىڭ ارىپتەستىك باعدارلامالاردى قۇرۋ مۇمكىندىگىن كەڭەيتۋ جانە ءبىلىم بەرۋ سالاسىندا باسەكەگە قابىلەتتىلىكتى ارتتىرۋ ماقساتىندا ۇيىمداستىرىلىپ وتىر.
«ورلەۋ» باۇو» اق دەلەگاتسياسى قۇرامىندا: «ورلەۋ» باۇو» اق باسقارما توراعاسىنىڭ ءبىرىنشى ورىنباسارى پ.ع.د., پروفەسسور ج. ا.قاراەۆ, «ورلەۋ» باۇو» اق باسقارما توراعاسىنىڭ ورىنباسارى ي. م. سامساەۆ, «ورلەۋ» باۇو» اق فيليالى ءبىلىم بەرۋ جۇيەسىنىڭ باسشى جانە عىلىمي-پەداگوگيكالىق قىزمەتكەرلەرىنىڭ بىلىكتىلىگىن ارتتىراتىن رەسپۋبليكالىق ينستيتۋت ديرەكتورى, پ.ع.د. پروفەسسور ج. ا. ماقاتوۆا, «ورلەۋ» باۇو» اق فيليالى الماتى وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, پ.ع.د. پروفەسسور س. م. كەڭەسباەۆ, «ورلەۋ» باۇو» اق فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, پ.ع.د. ر. ا. سادۆاكاسوۆ , «ورلەۋ» باۇو» اق كاسىپتىك ءبىلىم بەرۋ, عىلىمي زەرتتەۋلەر جانە حالىقارالىق ىنتىماقتاستىق دەپارتامەنتىنىڭ ديرەكتورى, بيولوگيا عىلىمدارىنىڭ كانديداتى ا. ف. يسلامگۋلوۆا, «ورلەۋ» باۇو» اق ادىستەمەلىك قامتاماسىز ەتۋ ءبولىمىنىڭ باستىعى, PhD ت. ب. قيلىباەۆ, «ورلەۋ» باۇو» اق حالىقارالىق ىنتىماقتاستىق ءبولىمىنىڭ باستىعى, پەداگوگيكا عىلىمدارىنىڭ ماگيسترى ا. ت. قاسىمبەكوۆا جانە ت.ب وقۋ-اعارتۋ سالاسىنىڭ وكىلدەرى بولدى.
ليتۆا دەلەگاتسياسىن الماتى قالاسىنداعى ليتۆا ەلشىلىگىنىڭ باس كونسۋلى داريۋس ۆيتكاۋسكاس باستاپ كەلدى. قوناقتار قۇرامىندا ليتۆا ەلىنىڭ وقۋ-اعارتۋ سالاسىنداعى كوشباسشىلارى, تەحنيكا عىلىمى جانە الەۋمەتتىك عىلىم دوكتورلارى, اعارتۋ سالاسى ماسەلەلەرى بويىنشا قالا مەرىنىڭ كومەكشىسى قىزمەتىندەگى بەلگىلى تۇلعالار بولدى.
سونىمەن بىرگە, كاۋناستاعى پانەمۋنسكي باستاۋىش مەكتەپ ديرەكتورى ۆيرگينيا رۋپاينەنە, كاۋناستاعى پەداگوگتاردىڭ بىلىكتىلىگىن ارتتىرۋ ورتالىعىنىڭ ديرەكتورى راسا بورتكياۆيچەنە, الەۋمەتتىك عىلىم دوكتورى, ينجەنەرلىك ليتسەي ديرەكتورى داينيۋس جۆيرداۋسكاستار قاتىسقان بۇل جيىندا ليتۆا مەكتەپ ديرەكتورلارى قاۋىمداستىعىنىڭ كاۋناس بولىمشەسى پرەزيدەنتى, الەكساندر پۋشكين اتىنداعى گيمنازيا ديرەكتورى ەريكاس گريشكياۆيچۋس دەلەگاتسيا قۇرامىمەن جينالعانداردى تانىستىردى. سونداي-اق دەلەگاتسيا قۇرامىنداعى «ساۋلەس» كاۋناس گيمنازياسىنىڭ ديرەكتورى سوناتا درازداۆيچەنە, پەتراشيۋنسكي اتىنداعى كاۋناس گيمنازياسىنىڭ ديرەكتورى انتانينا دجيۋگەنە, تاداس يۆاناۋسكاس اتىنداعى كاۋناس گيمنازياسىنىڭ ديرەكتورى سيگيتاس الۋباۋسكاس, كازيسا گرينيۋسا اتىنداعى كاۋناس گيمنازياسىنىڭ ديرەكتورى ستانيسلوۆاس شيماناۋسكاس, الەۋمەتتىك عىلىمدار دوكتورى, يوناسا جانە پياتراسا ۆيلەيشيسوۆ اتىنداعى كاۋناس گيمنازياسىنىڭ ديرەكتورى داليا لاپەنەنە, مايرونيسا اتىنداعى كاۋناس گيمنازياسىنىڭ ديرەكتورى, الەۋمەتتىك عىلىمدار دوكتورى دايۆا گارنەنە, كاۋناس ميليكونسكي پروگيمنازياسىنىڭ ديرەكتورى ياناس ريزگياليس بولدى.
ليتۆالىق دەلەگاتسياسى «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ» جەتىستىكتەرىمەن تانىسىپ, «روبوتوتەحنيكا», «م. مونتەسسوري» كابينەتتەرى مەن اقپاراتتىق-كوممۋنيكاتسيالىق ورتالىعىندا, مۋلتيمەديالىق زەرتحانادا بولىپ, قازاقستانداعى بىلىكتىلىكتى ارتتىرۋ جۇيەسىنىڭ تاريحي مۇراجايىن ارالادى.
كەزدەسۋ بارىسىندا تاراپتاردىڭ ارقايسىسى ءوز ەلىندەگى ءبىلىم بەرۋ جۇيەسى قۇرىلىمىنداعى ەرەكشەلىكتەرىمەن, جەتىستىكتەرىمەن ءبولىسىپ, ىنتىماقتاستىق ماسەلەلەرىنە توقتالدى. قازاقستان مەن ليتۆا اراسىنداعى ىنتىماقتاستىق جاڭا كاسىبي تۇرعىدان دامۋ مۇمكىندىگى, جاڭا يدەيالار جاڭعىرىعىنا جاسالعان ماڭىزدى قادامنىڭ ءبىرى بولىپ تابىلادى.
ەلۆيرا سەرىكقىزى,
«ەگەمەن قازاقستان»
الماتى