ليسسابوندىق ونەر, ارحيتەكتۋرا, تەحنولوگيا مۋزەيىندە تانىمال جاپوندىق سۋرەتشى تاداسي كاۆاماتانىڭ كورمەسى ءوتىپ جاتىر. ول «Over Flow» اتتى ينستاللياتسيانى جاساۋعا 8 اي جۇمساعان, ال وعان 3 توننا قوقىستى جيناۋعا «Brigada do Mar» («تەڭىز بريگاداسى») جەرگىلىكتى ەكولوگيالىق ۇيىمنىڭ ۆولونتەرلەرى كومەكتەسكەن.
«بارلىق ماتەريال ليسسابوننان ءجۇز شاقىرىمدىق جەردەگى پورتۋگاليانىڭ جاعالاۋىندا جينالدى. ءبىز سول جەردەن وسى قوقىستاردىڭ ءبارىن تاۋىپ الدىق» - دەيدى تاداسي كاۆاماتا.
قوعام ءبىزدىڭ جاعالاۋ مەن جاعاجايلاردى ەڭ بولماعاندا جىلىنا ءبىر رەت قوقىستان تازارتىپ تۇرۋ كەرەك ەكەندىگىن ءتۇسىنۋى كەرەك. سونىمەن قاتار, ءبىز ولاردىڭ قايتا وڭدەلۋى قيىن, ۇزاقمەرزىمدى ماتەريالداردى پايدالانۋ تۋرالى دا ويلانۋعا ءتيىسپىز"- دەيدى سيماو اچايولو («Brigada do Mar»).
تاداسي كاۆاماتا ءوزىنىڭ ارت-وبەكتەرىن جاساۋ ءۇشىن تەڭىز تاقىرىبىندا جاپوندىق يليۋستراتسيا ءداستۇرىن قولدانادى.
جىل سايىن الەمدىك مۇحيتقا توننالاپ پلاستيكالىق قوقىس تۇسەدى, ال تىنىق مۇحيتىنداعى پلاستيكتىڭ بولىكتەرىنەن قالعان «قوقىس داقتارى» فرانتسيا اۋماعىنان ءۇش ەسە اسىپ ءتۇستى.