پاۆلودار قالاسىنداعى حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ 11 «D» سىنىپ وقۋشىسى يسلام سۇلەيمەنگە ۇلىبريتانيا پاتشايىمى II ەليزاۆەتادان حات كەلدى, دەپ حابارلادى pavlodarnews.kz.
يسلام ءوز حاتىندا الدىمەن پاتشايىمنىڭ الەمدىك ساياساتتا الار ورنى مەن قوسقان ۇلەسى جونىندە جازعان. بۇدان كەيىن پاتشايىمنىڭ نەمەرەسى گارري حانزادا مەن مەگان ماركلدىڭ شاڭىراق كوتەرۋىمەن جانە شوبەرەسى ءلۋيدىڭ دۇنيەگە كەلۋىمەن قۇتتىقتاپ, ءوز تىلەگىن بىلدىرگەن. بۇل حاتتى جازۋىنا يسلامنىڭ بالا كەزىنەن ۇلىبريتانيا تاريحىنا دەگەن قىزىعۋشىلىعى سەبەپ بولعان.
«بريتاندىقتاردىڭ عاسىرلارعا سوزىلعان تاريxى, مادەنيەتى مەن ءتىلى ارقاشان مەنى باۋراپ الاتىن. اسىرەسە زاماناۋي عاسىردا مونارxيالىق بيلىكتى ءالى دە ساقتاپ قالىپ, داستۇرلەرىن جالعاستىرۋىن ەرەكشە اتاپ وتۋگە بولادى. سوڭىندا بەلگىلى تۇلعاعا دەگەن ىزگى نيەتىمدى جەتكىزىپ, xاتتى راسىمدەۋگە كىرىستىم. ۇستازىم بۇل جۇمىسىمدى وڭ باعالاپ, «قازپوشتا» ارقىلى جىبەردىم», دەيدى ول.
ءبىر اپتا ۋاقىتتىڭ ىشىندە كەلگەن حاتتىڭ جاۋابىندا پاتشايىم يسلامعا قۇتتىقتاۋى ءۇشىن العىس بىلدىرگەن.
«دەرەكتەرگە سۇيەنسەك, بۋكينگەم سارايىنا الەمنىڭ ءار جەرىنەن كۇنىنە 300-دەن استام xات كەلەدى ەكەن. سونىڭ ىشىندە مەنىڭ جازبامنىڭ قاراۋسىز قالماعانى ءوزىمدى ەرەكشە قۋانتتى ءارى تاڭعالدىردى. شىنى كەرەك, لوندوننان رەسمي جاۋاپتى مۇلدەم كۇتپەگەن ەدىم. قۋانىشىمدا شەك جوق», دەيدى يسلام سۇلەيمەن.
ءجاسوسپىرىم ساباقتان تىس ۋاقىتىندا ماقالا جازىپ, جۋرناليستيكا ۇيىرمەسىنە قاتىسادى جانە تۋريزم سالاسىنا قاتىستى عىلىمي جوبالار جازۋمەن اينالىسادى. «XV ساتباەۆ وقۋلارى» حالىقارالىق عىلىمي-پراكتيكالىق كونفەرەنتسياسىنىڭ ءى دارەجەلى ديپلوم يەگەرى, «جاس مەديا» تۇڭعىش رەسپۋبليكالىق جاس جۋرناليستەر سىيلىعىنىڭ لاۋرەاتى. بولاشاقتا لوندوننىڭ جوعارى وقۋ ورنىندا ءبىلىم الۋدى ارماندايدى.