يتاليانىڭ ءىىم باسشىسى, ۆيتسە-پرەمەرى ماتتەو سالۆيني ەۋرووداق بوسقىندارعا قاتىستى جاڭا ەرەجەلەر قابىلداعان جاعدايدا, اۋەجايلارىن جاباتىنىن ايتتى, دەپ حابارلايدى يتاليانىڭ Corriere della Sera گازەتى.
مۇنداي شەشىم قابىلداۋعا ەۋرووداق پەن گەرمانيانىڭ ميگرانتتاردىڭ العاش كەلىپ جەتكەن مەكەنىنە قايتارۋ تۋرالى ۇسىنىسى سەبەپ بولدى.
«ەگەر بەرلين مەن بريۋسسەل يتاليا ونداعان ميگرانتتاردى قابىلدايدى دەپ ويلاسا, تەڭىز ايلاعىن جاپقانىمىزداي اۋە جولدارى دا جابىلادى», دەدى مەملەكەتتىڭ ىشكى ىستەر ءمينيسترى.
دۋبلين كەلىسىمىنە سايكەس, ەۋرووداق قۇرامىنداعى مەملەكەتتەر بوسقىنداردى العاش كەلىپ جەتكەن مەملەكەتىنە قايتا جىبەرۋگە قۇقىعى بار.
ەستەرىڭىزگە سالساق, 2018 جىلدىڭ ماۋسىمىندا دا يتاليا 600 جولاۋشىسى بار كەمەنى قابىلداۋدان باس تارتىپ, مالتاعا قاراي جولداعان بولاتىن.