شىعىس ازياداعى حالىقارالىق قاتىناستاردىڭ بۇگىنگى احۋالى

ال ءدال سول تۇستا سولتۇستىك كورەيانىڭ سىرتقى ىستەر ءمينيسترىنىڭ ورىنباسارى چحۆە سون حي ءوز باسشىسىنىڭ ارنايى تاپسىرماسىمەن ماسكەۋگە كەتىپ بارا جاتقان جولدا پەكينگە سوعىپ, "قىتاي, رەسەي جانە سولتۇستىك كورەيا بوپ بىرىگىپ, əلگى ءۇش ەل تاراپىنان قانداي قىسىم بولسا دا توتەپ بەرۋگە دايىنبىز" دەگەندى ءبىلدىرىپ وتىر. 

الىپتاردى ءبىر-بىرىنە قارسى قويا بىلگەن سولتۇستىك كورەيانىڭ ديپلوماتياسى بۇعان دەيىن دە سولاي ەدى, بۇدان كەيىن كۇمانسىز شىعىس ازيا عانا ەمەس, الەمدىك گەوساياسي اxۋالدىڭ ەڭ باستى ەلەمەنتىنە اينالماق. 

سولتۇستىك كورەيانى يادرولىق قارۋدان باس تارتقىزۋ ترامپ اكىمشىلىگىنىڭ ەڭ باستى ديپلوماتيالىق جەتىستىگى بولۋعا ءتيىس بولسا, ول كىسىگە "رەنجىپ جۇرگەن" پۋتين مەن سي تسزينپين ونىڭ ونداي ويىنىڭ ىسكە اسپاۋىنا بارىن سالۋدا. 

سولتۇستىك كورەيانىڭ قانداي دا ءبىر پروبلەماسىن رەسەي مەن قىتايدى وزىنە قارسى قويۋ ارقىلى شەشۋ مۇمكىن ەمەس ەكەنىن ۆاشينگتون جاقسى بىلەدى. ال سولتۇستىك كورەيا يادرولىق قارۋدان باس تارتپايتىن جاعدايدا وڭتۇستىك كورەيا مەن جاپونياداعى اقش-تىڭ قارۋلى كۇشتەرى كوبەيمەسە ازايمايتىنىن ماسكەۋ مەن بەيجىڭ ودان دا جاقسى بىلەدى.

اقش, قىتاي, رەسەي, جاپونيا, وڭتۇستىك كورەيا سىندى مىنا دۇنيەنىڭ ازۋلىلارىن كوزدەگەنىنە كوندىرىپ, ءوز دەگەنىنە سەندىرىپ وتىرعان كىپ-كىشكەنتاي سولتۇستىك كورەيانىڭ ديپلوماتياسى انا بەس الىپتىڭ ديپلوماتياسىنان الدەقايدا مىقتى بولىپ تۇرعانى ديپلوماتيانىڭ قانداي بولۋ كەرەك ەكەنىنىڭ ۇلگىسى سەكىلدى.

سولتۇستىك كورەيانىڭ ديپلوماتياسىن ۇعىپ الماي, شىعىس ازياداعى xالىقارالىق قاتىناستاردىڭ بۇگىنگى اxۋالىن ءتۇسىنىپ, كەلەشەگى جايلى بولجام جاساۋ قۇر اۋرەشىلىك بولعالى تۇر. 

جالپى, قازىرگى تاڭداعى xالىقارالىق قاتىناستار سالاسىندا سولتۇستىك كورەياعا قاتىستى جاعدايدى باقىلاپ وتىرۋ وزەكتى ماسەلەگە اينالىپ وتىر. وسى تۇرعىدا كورەي ءتىلى مەن جاپون ءتىلىن جەتىك بىلەتىن شىعىستانۋشى مامانداردىڭ ءبىلىمىن دۇرىس پايدالانا ءبىلۋ قاجەت دەپ ويلايمىن. 

ويتكەنى, بۇل ەلدى جانىنداعى وڭتۇستىك كورەيا مەن جاپونيادان ارتىق ەشكىم بىلمەيدى.

قاي زامان بولماسىن, قاي ەل بولماسىن, ارقاشان اركىم ەڭ الدىمەن ءوزىنىڭ باستى جاۋىن تانىعان, نە ايتىپ, نە دەپ, نە ءىشىپ, نە جەپ وتىرعانىنا دەيىن بىلۋگە تىرىسقان. 

قىتايدى دا, قىتايلار مەن كورەيلەردىڭ اراسىندا نە بولىپ, نە بولماي جاتقانىن وسى جاپون مەن كورەيدەن ارتىق ەشكىم بىلگەن ەمەس. 

بۇگىنگى تاڭدا قىتاي مەن قىتايدىڭ قولداۋىن نەگىزگى ديپلوماتيالىق كارتا رەتىندە پايدالانىپ وتىرعان سولتۇستىك كورەياعا قاتىستى جاعداي باستى گەوساياسي ورىنعا شىققان شىعىس ازيا ايماعى باعىتىنداعى ديپلوماتيامىزدى كۇشەيتۋگە ەرەكشە كوڭىل ءبولۋدىڭ  ماڭىزدى ەكەنىن كورسەتەدى.

باتىرحان قۇرمانسەيىت, شىعىستانۋشى