نوكداۋن العان جەكپە-جەكتە جۇكەمباەۆ قارسىلاسىن نوكاۋتپەن جەڭدى, دەپ حابارلايدى vesti.kz
قازاقستاندىق كاسىپقوي بوكسشى باتىر جۇكەمباەۆ كۆەبەكتە (كانادا) وتكەن بوكس كەشىندە مەكسيكالىق پاتريسيو مورەنونى نوكاۋتپەن جەڭدى. ون راۋندقا جوسپارلانعان كەزدەسۋ جەتىنشى راۋندتا اياقتالدى. باتىر جۇكەمباەۆ قارسىلاسىن ۋاقىتىنان بۇرىن جەڭىپ شىقتى. ءبىرىنشى راۋندتا قازاقستاندىق بوكسشى مانسابىندا العاش رەت نوكداۋن الدى. تەز ەسىن جيىپ, شابۋىلىن ۇدەتتى. ناتيجەسىندە ەكىنشى راۋندتا قارسىلاسىن ءبىر تىزەرلەتىپ, نوكداۋنعا ءتۇسىردى.
جەتىنشى راۋندتا جۇكەمباەۆتىڭ بۇيىردەن ۇرعان جۇدىرىعىنىڭ كۇشىنەن كەيىن مەكسيكالىق ورنىنان تۇرا العان جوق. 27 جاستاعى قازاقستاندىق كاسىپقوي بوكسشى مانسابىنداعى 14-ءشى جەڭىسىنە قول جەتكىزدى. 12 كەزدەسۋىندە قارسىلاسىن ۋاقىتىنان بۇرىن جەڭىپ شىققان. ايتا كەتەيىك, وتانداسىمىز بارلىق جەكپە-جەكتەرىن كانادادا وتكىزىپ كەلەدى.