بۇگىنگى بولعان دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ وتىرىسىندا «بىرلىك» پارتياسى «7-20-25» باعدارلاماسىن جۇزەگە اسىرۋدىڭ وزگە جولدارىن ۇسىندى.
«كەشەگى جولداۋدا مەملەكەت باسشىسى «7-20-25» باعدارلاماسىن ىسكە اسىرۋ جۇمىسى باياۋ اتقارىلىپ جاتىر دەدى. شىنىمەن دە, سولاي. بىزدىڭشە, اتالعان پروبلەمانىڭ نەگىزگى سەبەبى - نەسيەنىڭ تەك جاڭا پاتەرلەرگە عانا بەرىلۋى. قۇرىلىس كومپانيالارى وسىنى بىلە تۇرا, بىردەن ءوز باعالارىن 10-15 پروتسەنتكە كوتەرىپ تاستادى. سونىڭ سالدارىنان باعدارلامانى ىسكە اسىرۋ شارالارى تەجەلىپ قالدى», - دەدى پارتيا توراعاسىنىڭ ورىنباسارى تولەگەن قۋانىشەۆ دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ وتىرىسىندا.
«بىرلىك» پارتياسى «7-20-25» باعدارلاماسىنىڭ شەڭبەرىندە بەس جىلدان اسپاعان پاتەرلەرگە دە نەسيە بەرۋدى ۇسىنىپ وتىر.
«وسى شەشىمنىڭ ارقاسىندا قۇرىلىس كومپانيالاردىڭ «تابەتىن» تەجەۋگە بولادى. ەڭ باستىسى, xالىق «7-20-25» باعدارلاماسىمەن ءۇيدى ءوز باعاسىنا الادى. ارينە, جەرگىلىكتى اتقارۋشى ورگاندار العاشقى جارنا جاعىنان كومەكتەسەتىن بولسا, وسى سالاداعى جۇمىس جاندانا تۇسەدى», - دەپ اتاپ كورسەتتى ت.قۋانىشەۆ.