ەلوردادا قىزىلوردا وبلىسىنىڭ اۋىلشارۋاشىلىق ونىمدەرىنىڭ جارمەڭكەسى ءوتىپ جاتىر

ەلوردا تۇرعىندارى مەن قوناقتارى ءۇشىن قىزىلوردالىق وندىرۋشىلەرىدىڭ 380 توننا ءارتۇرلى ونىمدەرى - 120 توننا باقشا داقىلدارى, 90 توننا كۇرىش, 15 توننا بالىق, 15 توننا جىلقى, سيىر جانە قوي ەتى, 6 توننا ءسۇت ونىمدەرى, 50 توننا كوكونىس, قيار جانە قىزاناق, 4 توننا جەمىس-جيدەك پەن تۇز ۇسىنىلادى.

جارمەڭكە «قازاقستان» سپورت كەشەنىنىڭ اۋماعىندا 6-7 قازان كۇندەرى ساعات 9.00-18.00 ارالىعىندا بولادى. سونىمەن قاتار, مۇندا وبلىستىق فيلارمونيا ارتىستەرىنىڭ كونتسەرتى دە ۇيىمداستىرىلادى.

سوڭعى 5 جىلدا وبلىستىڭ جالپى ىشكى ونىمىندەگى اۋىلشارۋاشىلىعىنىڭ ۇلەسى 2,5%-دان 3,7%-عا دەيىن, اۋىلشارۋاشىلىعىنىڭ نەگىزگى كاپيتالىنا سالىنعان ينۆەستيتسيالار كولەمى - 22,8, ازىق-ت ۇلىك ءوندىرىسى - 5,3, ەت ءوندىرىسى - 2,7, ءسۇت - 2,4, جۇمىرتقا 396 ەسەگە ءوسىپ وتىر.

سونداي-اق, 2018-2022 جىلدارعا ارنالعان ايماقتىڭ اگروكارتاسى  ازىرلەنىپ, اگروكارتانىڭ ءىس-شارالار جوسپارى بويىنشا جالپى سوماسى 7,0 ملرد. تەڭگە بولاتىن 10 ينۆەستيتسيالىق جوبانى ىسكە اسىرۋ قولعا الىندى.

وبلىستا وسىمدىك شارۋاشىلىعى ونىمدەرىن ءارتاراپتاندىرۋ قارقىندى جۇزەگە اسىرىلۋدا. سوڭعى 5 جىلدا جەم-ءشوپ جانە مايلى داقىلدار 18 مىڭ گەكتارعا (2014 جىلمەن سالىستىرعاندا) ارتتى. 2017 جىلى وبلىستىڭ كۇرىششىلەرى 500 مىڭ توننا رەكوردتىق ءونىم جينادى.

وندىرىستىك نەگىزدە كارتوپ, كوكونىس جانە باقشا داقىلدارى وندىرىلەدى. بيىل قىزىلوردادا يسپان تەحنولوگياسى بويىنشا اۆتوماتتاندىرىلعان جىلىجاي كەشەنى پايدالانۋعا بەرىلەدى. سونداي-اق, جاڭاقورعان اۋدانىندا تۇرىك ينۆەستورلارىنىڭ قاتىسۋىمەن تاعى 20 جىلىجاي سالۋ جانە قىزاناق وندىرەتىن ءىرى جوبالاردىڭ ءبىرىن جۇزەگە اسىرۋ جوسپارلانىپ وتىر. قازىرگى ۋاقىتتا تۇرىك سورتتارىنا سىناق جۇرگىزىلۋدە.

اعىمداعى جىلدىڭ سوڭىندا ءسۇت ونىمدەرىن ءوندىرۋ ءۇشىن 1200 باس اسىل تۇقىمدى مالعا ارنالعان ءسۇت فەرماسىن ىسكە قوسۋ جوسپارلانۋدا. سونىمەن قاتار, وتكەن جىلى شيەلى اۋدانىندا ءبىرىنشى قۇس فابريكاسى ءوز جۇمىسىن باستاسا, قىزىلوردا قالاسىندا دا 2 قۇس فابريكاسى پايدالانۋعا بەرىلدى. بيىل قارماقشى اۋدانىندا «بايقوڭىر» اكك-مەن بىرگە جىلىنا قۋاتتىلىعى 1500 توننا ءونىم شىعارا الاتىن  قۇس ەتى زاۋىتىنىڭ قۇرىلىسى باستالدى. جىل سوڭىنا قاراي «سىر مارجانى» ەت وڭدەۋ زاۋىتىنىڭ قۇرىلىسى جۇرگىزىلەتىن بولادى.

اعىمداعى جىلى اۋىلشارۋاشىلىعى ونىمدەرىنىڭ ەكسپورتى 37 پايىزعا, ونىڭ ىشىندە كۇرىش ەكسپورتى 39 پايىزعا ارتتى, ال  باقشا داقىلدارى - 3,5 ەسەگە, كوكونىستەر ەكسپورتى - 2 ەسەگە ءوستى. سونداي-اق, 2018 جىلدان باستاپ سافلور مۇنايىنىڭ قىتايعا ەكسپورتى باستالدى جانە جىل سوڭىنا دەيىن 500 توننا سافلور مايى ەكسپورتتالادى.