شاراعا قازاقستاننىڭ وڭىرلەرىنەن 300-گە جۋىق كاسىپكەر مەن تاۋار ءوندىرۋشى قاتىستى, دەپ حابارلايدى اتىراۋ قالاسى اكىمدىگىنىڭ ءباسپاسوز قىزمەتى.
شارا ەلباسىنىڭ كەزەكتى جىل سايىنعى جولداۋىنىڭ اياسىندا وتكىزىلىپ, وتاندىق تاۋار وندىرۋشىلەردى قولداۋعا باعىتتالدى. فورۋمعا اتىراۋ وبلىسىنىڭ شامامەن 300 كاسىپكەرى, سونداي-اق قازاقستاننىڭ كورشىلەس وڭىرلەرىنىڭ كاسىپكەرلەرى قاتىستى.
شاراعا قاتىسۋشىلار جەرگىلىكتى قامتۋ, مەملەكەتتىك قىزمەتتەردى جانە مەملەكەتتىك-جەكە مەنشىك ارىپتەستىكتى تسيفرلاندىرۋ ماسەلەلەرىن تالقىلادى. ءىسىن جاڭا باستاعان كاسىپكەرلەر وزدەرىنىڭ العاشقى جوبالارىن ۇسىنۋعا, سونداي-اق مەملەكەتتىك قولداۋ شارالارى تۋرالى اقپارات الۋعا مۇمكىندىك الدى. فورۋممەن قاتار جەرگىلىكتى تاۋار وندىرۋشىلەردىڭ جارمەڭكەسى ۇيىمداستىرىلدى, وعان 32 كومپانيا قاتىستى.
اتىراۋ وبلىسى اكىمىنىڭ ءبىرىنشى ورىنباسارى سەرىك شاپكەنوۆتىڭ ايتۋىنشا, فورۋمنىڭ الدىندا قاتىسۋشىلار تىڭداعان مەملەكەت باسشىسىنىڭ جىل سايىنعى جولداۋىندا وتاندىق كاسىپكەرلىكتى, حالىق تۇتىناتىن تاۋارلاردى ءوندىرۋدى, يمپورتتى الماستىرۋدى, سونداي-اق دامىعان ەلدەردىڭ بارلىق ەۋروپالىق ستاندارتتارىنا سايكەس كەلەتىن ونىمدەردى ەكسپورتتاۋعا ۇلكەن كوڭىل ءبولىندى. سەرىك شاپكەنوۆ كاسىپكەرلەردى «قاراپايىم زاتتار» ەكونوميكاسىن دامىتۋعا شاقىردى. بۇدان باسقا, بيزنەس ءۇشىن قۋاتتى سەرپىن 2019 جىلدىڭ 1 قاڭتارىنان باستاپ كۇشىنە ەنەتىن سالىق امنيستياسىن ەنگىزۋ بولماق.
«قازاقستاندىق قامتۋ» ماسەلەسىنە ەرەكشە نازار اۋدارىلدى. كاسىپكەرلەردىڭ ايتۋىنشا, بۇگىنگى تاڭدا جەر قويناۋىن پايدالانۋشىلار جەرگىلىكتى وندىرۋشىلەرگە جوعارى تالاپتار قويادى جانە وندىرىستە جەرگىلىكتى ونىمدەر مەن تاۋارلاردى پايدالانۋدان ءجيى باس تارتادى.
- جەرگىلىكتى قامتۋ ۇلەسىنە اتىراۋ وبلىسىنىڭ اكىمى ارقاشان ۇلكەن كوڭىل ءبولدى. قازىر جاعداي كەلەسىدەي: ينۆەستور كەلىپ, جوبانى ىسكە اسىرۋ ءۇشىن بىزبەن كەلىسىمشارت جاساسقان كەزدە, ونىڭ وندىرىستە پايدالانىلاتىن ماتەريالداردىڭ ساپا ستاندارتتارىن قوسا العاندا, ءتيىستى تالاپتارى بار. كوبىنە جەرگىلىكتى وندىرۋشىلەردىڭ تاۋارلارى جوعارى ساپا ستاندارتتارىنا سايكەس كەلمەيدى جانە ماتەريالداردى شەتەلدەن ساتىپ الۋعا تۋرا كەلەدى. ونىمدەردىڭ ساپاسى ەۋروپالىق دەڭگەيدەن كەم تۇسپەيىندەي بولاتىنداي ەتىپ ينۆەستورلاردىڭ سەنىمىنە يە بولۋ كەرەك. ەكىنشى جاعىنان, مەنىڭ ويىمشا, قازاقستاندىق قامتۋ پاتريوتيزمنەن باستالادى. وتاندىق تاۋارلاردى ءوزىمىز قابىلداپ, ۇناتىپ, كۇندەلىكتى ومىردە پايدالانۋىمىز كەرەك. تەك سودان كەيىن قازاقستاندىق قامتۋ ماسەلەسى ارتتا قالادى », - دەدى فورۋمنىڭ قاتىسۋشىلارىنا سەرىك شاپكەنوۆ.
فورۋمنىڭ جۇمىسى كۇن بويى جالعاستى, پلەنارلىق وتىرىستار ارالىعىنداعى ۇزىلىستەردە بيزنەسمەندەر ۆيزيتكالار الماسۋعا, جاڭا تانىستار مەن بايلانىستار جاساۋعا, سونداي-اق قازاقستاننىڭ باسقا ايماقتارىنان كەلگەن كاسىپكەرلەردىڭ بيزنەس جۇرگىزۋ تاجىريبەلەرىن ۇيرەنۋگە مۇمكىندىك الدى.