لاس-ۆەگاستاعى T-Mobile Arena-سىندا 15 قىركۇيەك كۇنى وتكەن گەننادي گولوۆكين مەن ساۋل الۆارەستىڭ بوكس كەشىنىڭ قاتىسۋشىلارىنىڭ بارلىعىنا دوپينگ-سىناما جۇرگىزىلدى, دەپ حابارلايدى Sports.kz.
«كانەلو» الۆارەس - گەننادي گولوۆكين II: كاردىنىڭ بارلىق دوپينگ-سىنامالارىنىڭ ناتيجەلەرىنىڭ بارلىعى تالاپقا ساي. بۇل تۋرالى ESPN-گە جۇما كۇنى نەۆادا شتاتىنىڭ اتلەتيكالىق كوميسسياسى حابارلادى»,-دەپ جازادى ESPN تەلەارناسىنىڭ ينسايدەرى دەن رافاەل.
ەستەرىڭىزگە سالا كەتسەك, اقپاندا الۆارەس ەكى دوپينگ-سىنامادان وتە الماي قالعان ەدى. سونىڭ اسەرىنەن ول 6 ايعا شەتتەتىلىپ, 5 مامىرعا گولوۆكينمەن جوسپارلانعان كەزدەسۋ قىركۇيەك ايىنا اۋىستى. ناتيجەسىندە, قازىلاردىڭ باسىم داۋىسىن جيناعان «كانەلو» جەڭىسكە جەتتى.