تاۋەلسىزدىك جىلدارى جۇرتىمىز ەلباسىنىڭ كوشباسشىلىعىمەن تەڭدەسى جوق سەرپىندى رەفورمالار جۇرگىزدى, ەلدى جاڭعىرتتى, قازاقستاندى جاڭا بيىكتەرگە كوتەردى. سونىڭ ارقاسىندا قازاقستان كۇيرەگەن كەڭەس وداعىنىڭ ۇيىندىسىندەگى جەر باۋىرلاپ جاتقان رەسپۋبليكادان قازىر ءوز وڭىرىندەگى ەڭ ءبىر ءتيىمدى مەملەكەتكە اينالىپ شىعا كەلدى.
قازاق ەلى سول ارقىلى وزگەلەردى دە ءوز ونەگەسىمەن ورگە باستايتىن ۇزدىك ۇلگىگە, ۇلاعاتتى ۇستازعا, جاسامپاز كوشباسشىعا اينالۋدا. بۇعان پوستكەڭەستىك ەلدەردىڭ, سونداي-اق ازيا مەن ەۋروپانىڭ بىرقاتار مەملەكەتتەرىنىڭ پرەزيدەنتتەرى مەن ۇكىمەت باسشىلارىنىڭ ءتيىستى مالىمدەمەلەرى كۋا.
دەگەنمەن, ءومىر ءبىر ورنىندا تۇرمايدى. ەلىمىز كوش باسىندا قالۋى ءۇشىن ۇدايى ىلگەرى باسۋى شارت. سوندىقتان ەل پرەزيدەنتى بۇگىنگى جولداۋىندا: ء«بىز جاڭا مىندەتتەردى اتقارۋعا دايىنبىز!» دەپ مالىمدەدى. ەندى كوپتەگەن سالالاردى كەشەندى رەفورمالار مەن قۇرىلىمدىق وزگەرىستەر كۇتەدى. بۇلار بۇگىن ەلباسى جاريالاعان «مەملەكەتتىك ورگاندار قىزمەتىنىڭ تيىمدىلىگىن تۇبەگەيلى ارتتىرۋ» مىندەتىنەن وربىمەك. «ساپا» – مەملەكەتتىك قىزمەتشى ءومىرىنىڭ جاڭا ءستيلى, ال ءوزىن-ءوزى جەتىلدىرۋ – ونىڭ باستى قاعيداتى بولۋعا ءتيىس», دەدى نۇرسۇلتان نازارباەۆ.
ءبىزدىڭ اۋعان ارداگەرلەرى دە حابارلاسىپ, بۇل جولداۋدا ەلباسىمىزدىڭ ۇكىمەت الدىنا «مەكتەپتەردە اسكەري-پاتريوتتىق تاربيەنىڭ ءرولىن كۇشەيتۋ» مىندەتىن قويعانىن ۇلكەن ريزاشىلىقپەن قابىلداعاندارىن ايتۋدا. حالقىمىزدىڭ ءورشىل رۋحى, ۇلتتىق ۇستىنى, اسقاق ايبارى وسكەلەڭ ۇرپاق بويىنا ءبۇلدىرشىن كەزىنەن سىڭسە, ولار بولاشاقتا جاڭا بيىكتەرگە قاناتتانىپ, ۇلى مۇرات-ماقساتتارعا قۇلاش سىلتەيتىن بولادى.
ەلباسىنىڭ وسى جولداۋدا ايتىلعان, جالپى قۇنى 1,5 تريلليون تەڭگەدەن اساتىن, ال جيىنتىق اسەرى ودان دا كوپ بولاتىن عالامات باستامالارى قولعا الىنىسىمەن, قازاقستان حالقى ولاردىڭ يگىلىگى مەن وڭ وزگەرىستەرىن سەزىنە باستايدى دەگەن سەنىمدەمىن.
باقىتبەك سماعۇل,
ءماجىلىس دەپۋتاتى,
Qazaqstan Ardagerleri قاۋىمداستىعىنىڭ توراعاسى