نيدەرلاندى پوليتسيالارى حالىق كوپ جينالعان ءىس-شارالار كەزىندە تەرروريستىك اكت جاساۋعا دايىندالعان دەگەن كۇدىكپەن جەتى ادامدى ۇستادى, دەپ حابارلايدى BBC.
ولار مەرەكەلىك ءىس-شارالار كەزىندە جارىلىس جاساپ, قالانىڭ ەكىنشى اۋدانىندا كولىكتى بومبالاۋعا دايىندالعان. تەراكتىڭ ناقتى ورنى تۋرالى اقپارات بەرىلمەدى. سونىمەن قاتار, كۇدىكتىلەردىڭ دە اتى جاريالانباۋدا. ارنايى وپەراتسيالاردىڭ ارنەم مەن ۆەرتە قالالارىندا وتكەنى عانا بەلگىلى بولدى.
مالىمەتتەرگە سۇيەنسەك, باستى كۇدىكتى بۇعان دەيىن 2017 جىلى سيريا مەن يراكقا كەتۋ ارەكەتتەرىندە بايقالعان. كۇدىكتىلەردىڭ جاسى 21 مەن 34 جاس ارالىعىندا.
تەرگەۋ ءىسى اعىمداعى جىلدىڭ ءساۋىر ايىندا جالپى بارلاۋ مەن قاۋىپسىزدىك قىزمەتىنە كەلىپ تۇسكەن اقپاراتتار بويىنشا باستالعان. ۇستالعانداردان 5 وقتى قارۋ تاركىلەنگەن.
نيدەرلاندىنىڭ ادىلەت جانە قاۋىپسىزدىك ءمينيسترى فەرديناند گراپپەرحاۋس مەملەكەتتەگى تەرروريستىك قاۋىپ ءتورتىنشى دەڭگەيدە ساقتالاتىنىن مالىمدەدى.